Яваплӑха туймалла, тӳрре тухни вырӑнсӑр
ЧР Пуçлăхĕ Олег Николаев ĕç тăвакан влаç органĕсен тата муниципалитетсен ертӳçисемпе эрнесерен ирттерекен канашлура ЖКХ объекчĕсене хĕле мĕнле хатĕрлессине те хускатрӗ.
Строительство министрĕ Александр Героев респубикăра 975 котельнăй ĕçленине çирĕплетрĕ. Нумайăшĕ, шел те, кивелсе çитнĕ. Виçĕ теçетке çул усă кураканнисем те пур. Ăшă трассисен 473 килметрĕ юхăннă. Çапах вĕсене хĕле хатĕрленĕ — ĕçлеççĕ. Топливо резервĕ çителĕклĕ.