Паян Чăваш Республикин Пуçлăхĕ çумĕнчи Стратеги аталанăвĕпе проект ĕçĕ-хĕлĕ енĕпе ĕçлекен канашăн ларăвĕ иртрĕ. Унта наци проекчĕсем пирĕн республикăра кăçал 11 уйăхра мĕнле пурнăçланнине сÿтсе яврĕç.
Иртнĕ эрнере Мускавра пулнă та — ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлăва ЧР Пуçлăхĕ Олег Николаев тĕп хулари ĕçлĕ тĕл пулусем çинчен пĕлтернинчен пуçларĕ.