Чăваш Ен Пуçлăхĕ Михаил Игнатьев кăрлач уйăхĕн 23-мĕшĕнче Шупашкар хулин «Радужный» микрорайонĕнче медицина центрĕ уçнă ятпа ирттернĕ савăнăçлă мероприятие хутшăнчĕ. Унта çавăн пекех ЧР сывлăх сыхлавĕн министрĕ Владимир Викторов, Шупашкар хула администрацийĕн пуçлăхĕ Алексей Ладыков, «Отделфинстрой» строительство компанийĕн директорĕ Александр Черкунов, «Радужный» медицина центрĕн тĕп тухтăрĕ Надежда Журавлева тата ыттисем пулчĕç.

Паян Росгвардин Чăваш Республикинчи уйрăмĕ 2017 çулхи оперативлă служба ĕç-хĕлне пĕтĕмлетрĕ, малашлăх тĕллевĕсене палăртрĕ. Анлă канашлăва Чăваш Ен Пуçлăхĕ Михаил Игнатьев, ЧР Патшалăх Канашĕн Председателĕ Валерий Филимонов, федерацин тĕп инспекторĕ Геннадий Федоров хутшăнчĕç.

 Раççейĕн Финанс министерстви хăй тĕллĕн ĕçлекенсем валли налук каникулне 2019 çулхи раштавăн 31-мĕшĕччен тăсса парасшăн.

Çĕнĕ çул пуçланнăранпа Чăваш Енре икĕ çын шăнса вилнĕ. Инкек Канаш тата Элӗк районӗсенче пурăнакансемпе пулса иртнӗ. 

РФ Следстви комииечĕн республикăри управленийӗ паян хыпарланӑ тӑрӑх, икĕ кун маларах, кăрлачăн 20-мĕшĕнче,  Элӗк районӗнчи Ехремкассинче 63 ҫулти арҫыннӑн виллине асӑрханӑ. Пӗчченех пурӑннӑскер килĕ умĕнче выртнă. Канаш тӑрӑхӗнчи Ҫӑлпуҫра пурӑннӑ 68 ҫулти хӗрарӑм виллине кăрлачăн 15-мĕшĕнче Ҫӗнӗ Вӑрӑмпуҫ ялӗ ҫывӑхӗнче асăрханă.

22 Jan, 2018 | Спорт | ăмăртусем

Вăрнар районĕнче Кикбоксинг енĕпе республика ăмăртăвĕ иртĕ. Спорт мероприятине официаллă майпа кăрлачăн 27-мĕшĕнче уçĕç.

Вăрнар тăрăхĕнче кунашкал спорт ăмăртăвĕ халиччен иртменнине те палăртмалла. Унăн тĕп тĕллевĕ, паллах, халăх хушшинче сывă пурнăç йĕркине сарасси, яшсемпе хĕрсене патриотизм туйăмĕпе хăпартлантарасси. Унпа пĕрлех ÿсекен ăрăва çирĕп те вăйлă çитĕнсе тăван çĕршыва хÿтĕлеме хавхалантармалла-çке. Тепĕр тесен спортпа туслă яш-кĕрĕм усал йăлапа та туслашмасть.

Мускаври Çын прависен бюровĕн директорĕ, РФ Президенчĕ çумĕнчи çын прави тата граждан обществине аталантаракан канаш членĕ Александр Брод ĕнер Чăваш Республикин Общество палатин представителĕсемпе тĕл пулчĕ.

Кану кунĕсем çил-тăманлă пулнине кура ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлăвĕнче çулсене пăхса тăрас ыйтусем тавра та калаçу пулчĕ. Транспорт министрĕ Владимир Иванов пĕлтернĕ тăрăх, тивĕçлĕ службăсем мерăсем йышăннă: çынсем те, техника та ĕçлеççĕ — транпорт çÿревĕ чарăнса ларнă тĕслĕхсем пулман.

2017 çулта республикăра инфляци шайĕ 1,4% танлашнă. Ку çĕршыв шайĕнчи кăтартуран та /2,5%/ пĕчĕкрех. Ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлура инфляци ыйтăвне тишкернĕ май ЧР Пуçлăхĕ Михаил Игнатьев хаксем сăлтавсăр ÿсесрен сыхланасси кăçал та тĕп тĕллевсен шутĕнче пулассине çирĕплетрĕ.

Pages

Subscribe to