Паян ЧР сывлӑх сыхлавӗн министрӗ Владимир Викторов массӑллӑ информаци хатĕрӗсенче ӗҫлекенсем валли пресс-конференци ирттерчӗ. Ӗҫлӗ тӗл пулура наци проекчӗсене епле пурнӑҫланипе паллаштарчӗ. Уйрӑммӑн илсен сывлӑх сыхлавӗнче юлашки ҫулсенче тунӑ ӗҫ-хӗл ҫинчен каласа пачӗ.

Çу уйăхĕн 18-мĕшĕнче, Пĕтĕм тĕнчери музейсен кунне паллă тунă кун, Чăваш наци музейĕпе унăн филиалĕсене тÿлевсĕр çитсе курма май пулĕ.

ЧР Культура министерстви çу уйăхĕн 18-мĕшĕнче Наци библиотекинчи канмалли кунхи клуб черетлĕ тĕлпулу йĕркелени çинчен пĕлтерет. Хальхинче йĕрелÿçĕсем çул çинчи хăрушсăрлăх тавра калаçу ирттерĕç.

Елчĕкри Тĕп лапамра кану паркĕ вырнаçнă. Унта вара уçă тÿпе айĕнче музей йĕркеленĕ.

Мĕн кăна курма май çук кунта! Шыв арманĕнчен пуçласа çар техники таранах. Мухтав аллейинче çак тăрăхра çуралса ÿснĕ Совет Союзĕн 3 Геройăн бюстне вырнаçтарнă.

Паркра уçăлса çÿреме, канма, сăн ÿкерĕнме пулать.

К.В.Иванов ячĕллĕ Чăваш патшалăх академи драма театрĕнче паян РСФСР тата ЧАССР халăх артисчĕн Николай Григорьевăн 80 çулхи юбилейне паллă турĕç.

Паян ЧР Пуҫлӑхӗ Михаил Игнатьев Правительство ҫуртӗнче шкул ачисен Пӗтӗм Раҫҫейри олимпиадӑсен ҫӗнтерӳҫисемпе тата призерӗсемпе тӗл пулчӗ.

Çынсене пахалăхлă медицина пулăшăвĕпе тивĕçтерес тĕллевпе Чăваш Ен Сывлăх сыхлавĕн министерствин медицина учрежденийĕсенче Уçă алăксен кунĕсем иртеççĕ.

Чăваш Ен Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен эрне каяллахи планеркăра та ача вилĕмĕпе çыхăннă инкек пирки калаçу пулнăччĕ, шел, ку хутĕнче те хурлăхлă хыпар пулчĕ — Елчĕк районĕнче пĕчĕк ача, 2013 çулта çуралнăскер, вилнĕ.

Чăваш Ен Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлура Çĕнтерÿ кунне мĕнле ирттернине тĕплĕн тишкерсе хакларĕç.

Вăрмансенчи пушарсемпе çыхăннă лару-тăру Ульяновск, Чулхула облаçĕсенче, Мари Элта, Мордовире питĕ çивĕч. Атăлçи округĕнчи регионсенчен кăçал хальлĕхе Тутарстанпа Чăваш Енре кăна вăрмансем пĕрре те çунман. Апла пулин те Чăваш Ен Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлура шăрăх та типĕ çанталăка кура самантлăха та лăпланма юраманни, сыхлăх пысăк пулмалли пирки хытарсах каларĕ.

Pages

Subscribe to