22 Jan, 2019 | Спорт | ăмăртусем

Чăваш Енри фристайл шкулĕн вĕренекенĕ Дмитрий Мулендеев Раççей Кубокĕн тапхăрĕнче каллех çĕнтернĕ. Хальхинче яш биг-эйр дисциплинăра палăрнă. Акăлчан чĕлхинчен куçарсан вăл пысăк вĕçев тенине пĕлтерет.

2018 çулта Чăваш Енре регистрациленĕ преступленисен шучĕ 7,6% чакнă — пĕтĕмпе 11824 тĕслĕхе шута илнĕ. Çак тата ытти цифрăна ытларикун шалти ĕçсен министерствин коллегийĕн ларăвĕнче Сергей Неяскин министр асăнчĕ. Ларура полицин иртнĕ çулхи ĕçне пĕтĕмлетрĕç, кăçалхи тĕллевсене палăртрĕç.

Шывпа тивĕçтермелли, ăна тасатмалли тата шывпа çыхăннă ытти обьект валли Шупашкар хули çывăх вăхăтра 3,9 миллиард тенкĕ илет. Çакăн çинчен Министрсен Кабинечĕн паянхи ларăвĕнче республика Пуçлăхĕ Михаил Игнатьев пĕлтерчĕ.

Чăваш Енре çулленех иртекен «Çулталăк аспиранчĕ» конкурса Китай вĕрентекенĕ Ма Ися та хутшăнать. Вăл — И.Я. Яковлев ячĕллĕ Чăваш патшалăх педагогика университечĕн педагогикăпа психологи, философи кафедрин 3-мĕш курс аспиранчĕ.

21 Jan, 2019 | Культура | МИХсем

Нумаях пулмасть «Тюменьская область. Сегодня» хаçатра чăваш халăхĕн йăли-йĕркине, культурине саракан йăхташăмăра, Раççей пултаруллă учителĕсен ассоциацийĕн членне Мария Байкаловăна сăмах панă.  Унран иртнĕ çул мĕнпе асра юлнине ыйтнă.

21 Jan, 2019 | Культура | уявсем

Кăрлачăн 19-мĕшĕнче Чăваш наци конгресĕн вице-президенчĕ, ЧНКн ĕç тăвакан комитечĕн ертÿçи Анатолий Ухтияров Чĕмпĕр облаçĕн черетлĕ çуралнă кунне уявлама хутшăннă.

Кăрлачăн 28-мĕшĕнче Халăхсен туслăхĕн çуртĕнче «Тĕрĕ тĕнчи» курав уçăлĕ. Унăн тĕп тĕллевĕ — чăваш халăх культурипе тата историйĕпе, этника хаклăхĕпе, пултарулăх ăстисемпе, чăваш тĕррин техникипе тата хăйне евĕрлĕхĕпе паллаштарасси.

2018 çулта тăлăх тата ашшĕ-амăшĕн ăшшисĕр юлнă ачасене хваттерсемпе тивĕçтерме уйăрнă укçан чĕрĕкĕ усă курмасăр юлнă. Сăлтавĕсем обьективлă теме пулать, апла пулин те ЧР Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен черетлĕ планеркăра çак тема тавра самай çивĕч калаçу пулчĕ.

18 Jan, 2019 | Хула

Çак кунсенче Чăваш Республикинче нумай юр çурĕ. Синоптиксем çакнашкал çанталăк таврăнма пултарассине пĕлтереççĕ.

Транспорт тата çул-йĕр хуçалăх службисене япăх çанталăк пирки маларах пĕлтернĕ. Шупашкарти аэропротра юр тасатмалли техника кăлтăксăр ĕçленĕ, вĕçсе анмалли çулпа перрона вăхăтра тасатнă. Аэропорт штат режимне пăхăнса ĕçленĕ, самолетсем палăртнă вăхăтра вĕçсе хăпарнă, анса ларнă.

Кăрлач уйăхĕн 17-мĕшĕнче ЧР Вĕренӳ министерствинче «2019 çулта 9-мĕш тата 11-мĕш классем патшалăх экзаменĕ тытасси çинчен» пресс-конференци иртнĕ.

Pages

Subscribe to