Новости по теме

19 Раштав, 2020

"Чӑваш пики - 2020" конкурс иртет

Ҫамрӑксен театрӗнче паян чӑваш хӗрӗсем "Чӑваш пики - 2020" ята ҫӗнсе илессишӗн тупӑшаҫҫӗ. Коронавирус пандемине пула конкурсантсем хӑйсен пултарулӑхӗпе видео материалсем тӑрӑх паллаштараҫҫӗ.

Кӑҫалхи тупӑшӑва Чӑваш Республикинчи районсемпе хуласенчи, Чӗмпӗр облаҫӗнчи, Пушкӑрт Республикинчи, Тюмень хулипе облаҫӗнчи хӗрсем, пурӗ 21 пике, хутшӑнаҫҫӗ. Вӗсен ӑсталӑхӗпе пултарулӑхне ЧР Патшалӑх Канашӗн депутачӗ Юрий Зорин ертсе пыракан жюрисен ушкӑнӗ хаклать.

18 Раштав, 2020

Хÿтĕлев чиккисене тунисен ĕç паттăрлăхне халалласа

Паян Сăр тата Хусан хÿтĕлев чиккисене тума хутшăннисен ĕç паттăрлăхне халалланă çулталăкăн йĕркелÿ комитечĕн ларăвĕ иртрĕ. Ăна Чăваш Республикин Пуçлăхĕ Олег Николаев ертсе пычĕ.

18 Раштав, 2020

Çĕнĕ çул уявĕсенче те тимлĕхе çухатмалла мар

Коронавирус инфекцийĕ сарăлассине чарас енĕпе ĕçлекен ятарлă штабăн черетлĕ ларăвĕ иртрĕ. Ăна ЧР Пуçлăхĕ Олег Николаев ертсе пычĕ. Вăл кану кунĕсем çитнĕ май уйрăмах сыхă тăмалли пирки асăрхаттарчĕ. «Çынсем хăрушсăрлăх мерисене пăхăнма тытăнни савăнтарать, анчах асăрханулăха уяман уйрăм çынсем те çук мар», — терĕ Олег Алексеевич.

18 Раштав, 2020

«Çулталăк çемйи» конкурса пĕтĕмлетрĕç

Паян Вырăс драма театрĕнче республикăра çуллен иртекен «Çулталăк çемйи» конкурса пĕтĕмлетрĕç. Йăлана кĕнĕ мероприятие çĕршывра коронавирус чирĕ сарăлнине пула видеоçыхăну мелĕпе йĕркелерĕç.

Ăмăртăва кăçал республикăра 105 çемье хутшăннă. Финала тухнисене видеоçыхăнупа Чăваш Ен Пуçлăхĕ Олег Николаев тата унăн мăшăрĕ, республикăри Хĕрарăмсен союзĕн ертӳçи Наталья Алексеевна саламларĕç.

18 Раштав, 2020

«Тавах, тухтăрсем!»

Шăпах çакăн пек акци старт илнĕччĕ ЧР Пуçлăхĕн çумĕнчи Общество канашĕн, Хĕрарăмсен союзĕн пуçарăвĕпе.

Акцие ачасенчен пуçласа пысăк предприятисем таранах хутшăннă: шăпăрлансем тухтăрсем валли сувенирсем, ӳкерчĕксем ăсталанă, организацисемпе предприятисем пылак парне туянма нухрат парса пулăшнă.

18 Раштав, 2020

Хаксене мĕнле чармалла?

Паян ЧР Пуçлăхĕ Олег Николаев Правительство çуртĕнче Чăваш Енри потребительсен рынокĕнчи лару-тăрупа тата апат-çимĕç хакĕсене пĕр шайра тытса тăрассипе çыхăннă ыйтупа канашлу ирттерчĕ.

17 Раштав, 2020

Кооперативсем кашни районтах кирлĕ

Паян Чăваш Ен Пуçлăхĕ Олег Николаев ĕçлĕ çулçÿревпе Шупашкар районĕнче пулчĕ. Вăл «Деревенский дворик» ял хуçалăх кооперативĕн производство линийĕсемпе паллашрĕ, пастеризациленĕ сĕт производствин çĕнĕ линине хута ячĕ.

17 Раштав, 2020

Шупашкарти шкулсенче — катоксем

Шупашкарти шкулсенче хоккей курупкисем йĕркелеме хула бюджетĕнчен укçа уйăрнă.

Халĕ вĕсенче15 катокпа хоккей курупки ĕçлет. Вĕсем 5-мĕш, 46-мĕш лицейсенче, 4-мĕш, 44,-мĕш гимназисенче,  1-мĕш, 23-мĕш, 42-мĕш, 43-мĕш, 45-мĕш, 48-мĕш, 50-мĕш, 53-мĕш, 56-мĕш, 60-мĕш, 65-мĕш шкулсенче пур.

www.hypar.ru
Вера Титова хатĕрленĕ. Cap.ru сăн ÿкерчĕкĕ.

 

Pages