Новости по теме

2 Чÿк, 2023

Хÿтĕлевçĕн çемйине пулăшнă

Шупашкарти халăха социаллă пулăшупа тивĕçтерекен комплекслă центрти экспресс асаннесем ятарлă çар операцине хутшăнакансен ачисене пăхма пулăшаççĕ.

«Кĕмĕл ÿсĕмри» волонтер Мария Мурзина çĕршыв хÿтĕлевçин çемйине çитсе килнĕ. Икĕ ача амăшĕн васкавлă ĕçсемпе килтен тухма лекнĕ. Хĕрарăм ывăлĕсене никампа та хăварайман. Çавăнпах комплекслă центртан пулăшу ыйтнă. Мария Алексеевна ачасемпе хăвăртах пĕр чĕлхе тупнă. Вĕсем пĕрле выляма та, ÿкерме те, юмахри сăнарсене сÿтсе явма та ĕлкĕрнĕ.

Кун хыççăн кун
1 Чÿк, 2023

Шупашкарти Трактор тӑвакансен культура керменӗнче "Ялта чи лайӑххисем" ача-пӑча пултарулӑх форумӗ иртрӗ

Кӑҫал ӑна иккӗмӗш хут йӗркеленӗ. Асӑннӑ конкурса республикӑри шкулсемпе ача сачӗсенчен 2 пин ӗҫ ярса панӑ. Финала 66-н тухнӑ.

Кун хыççăн кун
25 Юпа, 2023

«Ыттисен» шалăвĕ те хушăнать

Министрсен Кабинечĕн юнкунхи ларăвĕнчи уйрăм тема — ĕç укçи. РФ Президенчĕн указĕсемпе килĕшӳллĕн бюджет ĕçченĕсен шалăвĕн ӳсĕмне шута илнĕ. Вĕсен уйăхри вăтам ĕç укçи кăçал 14,7% хушăннă — 38,3 пин тенкĕрен иртнĕ. Çитес çул та ӳсĕм курăмлă пулмалла — 8,9% ӳссе 41,4 пин тенкĕ патне çывхармалла. Вĕрентекенсемпе медиксемсĕр, культура ĕçченĕсемсĕр пуçне бюджетран укçа илекен ытти çын та пур — «ыттисем» тесе палăртакан çак йышăн шалăвĕ Çĕнĕ çултанах 8,5% пысăкланĕ. Ку, паллах, бюджетшăн ансат мар, анчах кирлĕ укçана резервланă.

Публицист шухăшĕ
25 Юпа, 2023

Çулсем, шкулсем, троллейбуссем

Министерсен Кабинечĕн юнкунхи ларăвĕнче инвестицисем çинчен каланă май Михаил Ноздряков «Химпромăн», «Промтракторăн» пысăк инвестпроекчĕсене, Çĕнĕ Шупашкарти индустри паркне, уйрăм экономика зонине асăнчĕ. Пурăнмалли çурт-йĕр строительствине вăй пама тивĕç инвестпроектсен шутĕнче — инфратытăмпа çыхăннă пилĕк теçетке объект: çулсем, ăшă сечĕсем, ытти... Республикăн социаллă пурнăçпа экономика аталанăвĕн уйрăм программипе пурнăçлакан ĕçсен калăпăшĕ те пысăк. Сăмах май, Мускав ăна тата пилĕк çуллăха тăсассине пĕлтернĕ — хушма укçа пулĕ.

Публицист шухăшĕ
16 Юпа, 2023

Çĕнĕ шкулсем çĕкленеççĕ

ЧР Пуçлăхĕ Олег Николаев ирттерекен тунтикунхи канашлура «ПроШкола» пĕрлĕхпе шкулсем тума алă пуснă килĕшĕве пурнăçласа тăвакан шкулсен строительствипе вĕрентӳ министрĕн пĕрремĕш çумĕ Алексей Лукшин паллаштарчĕ. Сăмах виçĕ шкул пирки пырать. Тĕп хулари Хĕвеллĕ микрорайонта 1400 вырăнлăх объектра 3-мĕш стройтрест ĕçлет. Шкула çитес çул вĕçĕнче хута ямалла. Объект пысăк — тăватă блокран тăмалла: аслă тата кĕçĕн классем вĕренмеллисем, 700 вырăнлăх столовăй, 460 вырăнлă курав залĕ, бассейн... Хальлĕхе унта ĕçсен 16% пурнăçланă.

Публицист шухăшĕ

Pages

Хыпарсем