ХЫПАР

Ильдар Абузяров Чăваш Енре те чарăнĕ

27 Mar, 2019 | Кун хыççăн кун

«Пĕтĕм вырăс диктанчĕ» акци черетлĕ хутчен иртес умĕн çĕршыври анлă çул çÿрев пуçланнă. Владивостокран Таллин таран иртекен авточупăва тухнисем 27 хулана çитме тĕллев лартнă.

Республика Пуçлăхĕ ЛДПР членĕсемпе тĕл пулчĕ

27 Mar, 2019 | Кун хыççăн кун | политика, партисем

Паян Чăваш Республикин Пуçлăхĕ Михаил Игнатьев Правительство çуртĕнче ЧР Патшалăх Канашĕн депутачĕсемпе, ЛДПР членĕсемпе Сергей Белобаевпа, Вячеслав Соловьевпа тата Константин Степановпа тĕл пулчĕ. Мероприятие çавăн пекех ЧР Пуçлăхĕн Администрацийĕн ертÿçи — ЧР Министрсен Кабинечĕн Председателĕн заместителĕ Юрий Васильев, ЧР Патшалăх Канашĕн Председателĕ Альбина Егорова хутшăнчĕç.

Йăхташăмăрсен çемйинче ĕне виçĕреш пăруланă

27 Mar, 2019 | Кун хыççăн кун

«Зима районĕнчи Масляногорск салинчи чăвашсен Николайпа Мария Тимофеевсен çемйинче — пысăк савăнăç.

Улатăрти мăшăр кевер туй паллă тунă

27 Mar, 2019 | Кун хыççăн кун | çемьесем

Улатăрти Киреевсем кевер туй паллă тунă. «Çÿпçипе хупăлчи», — теççĕ ял-йыш, тăвансем туслă мăшăр пирки. Вĕсем пĕр сукмакпа утма пуçланăранпа 60 çул çитнине ĕненме те йывăр.

Çурхи призыв çывхарать

26 Mar, 2019 | Кун хыççăн кун

Паян Чăваш Республикин çар комиссариатĕнче инструктор-методика сборĕ иртет. Ăна 2019 çулхи çуркуннехи призыва хатĕрленсе ирттерессине халалланă. Пухăва республикăри хуласемпе районсенчи призыв комиссийĕн председателĕсене, çар комиссарĕсене, призыва хутшăнакан медицина ĕçченĕсене чĕннĕ.

Театр балет фестивальне хатĕрленет

26 Mar, 2019 | Культура | театрсем

Ака уйăхĕн 5-мĕшĕнче Шупашкарта Пĕтĕм тĕнчери фестиваль пуçланать. Программăн кăçалхи уйрăмлăхĕ çинчен театрăн илемлĕх ертÿçи Данила Салимбаев каласа пачĕ.

Фестиваль «Аттила» спектакльпе уçăлать. «Пĕлтĕр ЧР Пуçлăхĕн гранчĕпе хамăр театрта лартнăскере куракансем тепĕр хут курма хирĕç пулмĕç ĕнтĕ. Ăна пирĕн çынсем уйрăмах кăмăлларĕç, кÿршĕ регионсенчен килекенсем те пулчĕç», — терĕ балетмейстер.

Физкультурăпа спорт министерствинче ĕç-хĕле пĕтĕмлетрĕç

26 Mar, 2019 | Спорт

Паян «Шупашкар-Арена» пăр керменĕнче ЧР Физкультурăпа спорт министерствин анлă ларăвĕ иртрĕ. Унта 2018 çулхи ĕçĕ-хĕле пĕтĕмлетрĕç.

Тĕп ыйтупа Михаил Богаратов министр тухса калаçрĕ. Вăл пĕлтернĕ тăрăх — пĕлтĕр Чăваш Енре тĕнче шайĕнчи — 1, Пĕтĕм Раççейри — 80, республикăри 340 ăмăрту ирттернĕ. «Кăçал Шупашкара тепĕр пысăк ăмăрту йĕркелеме шанса панă — çăмăл атлетика енĕпе çĕршыв чемпионачĕ. Юбилейлĕ 100-мĕш турнир пулнă май ăна та пирĕн çÿллĕ шайра ирттермелле», — палăртрĕ Михаил Викторович.