Тăван çĕршывăн Аслă вăрçинче çĕнтернĕренпе 75 çул çитни — калама çук пысăк тата пĕлтерĕшлĕ пулăм. Çавăнпа ăна питĕ тĕплĕн хатĕрленмелле, кашни саманта шута илмелле.

Паян Шупашкарта республикăри педагогсен форумĕ иртрĕ. Вăл Чăваш автономи облаçĕ йĕркеленнĕренпе 100 çул çитнине халалланă мероприятисене старт пачĕ.

ЧР Пуçлăхĕн тивĕçĕсене вăхăтлăх пурнăçлакан Олег Николаев тĕрлĕ вĕрентÿ учрежденийĕнче тăрăшакансене наградăсем парса чысларĕ. Ÿкерчĕксен «Манăн Чăваш Ен» республика конкурсне те пĕтĕмлетрĕç. Шупашкарти 8-мĕш садике çÿрекен Карина Журавлевăпа 10-мĕш ача сачĕн воспитанникĕ Александр Якушов Олег Алексеевичăн аллинчен парнесене тивĕçрĕç.

ЧР Пуçлăхĕ çумĕнчи право йĕркине тивĕçтерес енĕпе ĕçлекен координаци канашлăвĕн кĕçнерникун иртнĕ ларăвĕнче 2019 çулта республикăра право йĕркине тивĕçтерес енĕпе мĕнле ĕçленине пĕтĕмлетрĕç, 2020 çулхи тĕллевсене палăртрĕç.

Вăрмар районĕнчи Кĕтеснерти ял тăрăхĕнче «1941-1945 çулсенчи Тăван çĕршывăн Аслă вăрçинчи Çĕнтерÿ 75 çул тултарни» юбилейлă медаль пама тытăннă.

Тĕп хулари «Хĕвеллĕ» микрорайонта пурăнакансем паян тахçанхи ĕмĕтне пурнăçа кĕртрĕç: кунта 250 ача вырнаçакан «Пайăрка» /Лучик/ ача сачĕ уçăлчĕ.

«Пĕр ыйту кăна, анчах вăл питĕ пĕлтерĕшлĕскер», — çапла каласа пуçларĕ ЧР Пуçлăхĕн тивĕçĕсене вăхăтлăх пурнăçлакан Олег Николаев Министрсен Кабинечĕн паян иртнĕ черетсĕр ларăвне. Унта пурăнма кирлĕ чи пĕчĕк виçе çинчен калакан саккуна улшăнусем кĕртессине пăхса тухрĕç.

Пушкăрт Республикинчи Салават хулинче А.В. Тарасов ячĕллĕ «Золотая шайба» çамрăк хоккеистсен клубĕн ялти командăсен Пĕтĕм Раççейри ăмăртăвĕ иртнĕ.

20-мĕш троллейбус маршрутне Çĕнĕ хулана çити тăсасшăн. Кун пирки хула мэрийĕн планеркинче Шупашкарти троллейбус управленийĕн директорĕ пĕлтернĕ. Ку ĕçе пуш уйăхĕнче пурнăçламалла.

Pages

Subscribe to