Новости по теме
Вĕрентекенсене хавхалантараççĕ
Чăваш Енри 19 педагог республика Пуçлăхĕн премине тивĕçнĕ.
Вĕсен вĕренекенĕсем тăван чĕлхепе тĕрлĕ шайри олимпиадăра малтисен йышне кĕнĕ. Пĕтĕмĕшле илсен, 2023 çулта республикăри 29 ача чăваш чĕлхипе литературипе, тутар чĕлхипе литературипе, мордва чĕлхипе литературипе йĕркеленĕ тупăшура пысăк кăтартусемпе палăрнă, 10-шĕ çĕнтернĕ, 19-шĕ иккĕмĕшпе виççĕмĕш вырăнсене йышăннă. Вĕсен педагогĕсене 50 пинрен пуçласа 100 пин тенкĕ таран укçа пама йышăннă.
Волонтерсене укçан пулăшнă
Чăваш Енре медиахолдинг йĕркелес ыйтăва сÿтсе явнă
Ку ĕçе МИХ тытăмĕнче тăрăшакансем, патшалăх, политика, общество ĕçченĕсем, наука, вĕрентÿ, культура специалисчĕсем хутшăннă.
Тĕлпулăва пынисем 4 командăна пайланса регионри информаци хутлăхĕн аталанăвĕ тĕлĕшпе сĕнÿсем панă. ЧР цифра министрĕ Михаил Степанов вĕсемпе усă курса 2025 çулчченхи аталану концепцине йĕркелессине палăртнă. Çакна кăларăмсене хупма мар, пачах тепĕр май, йăлтах сыхласа хăварма хатĕрленине каланă.
"Валдай" расписанийĕ улшăнĕ
Темиçе кун шывсăр
Тунтикунхи канашлура вырăнти хăй тытăмлăх органĕсен пурăнмалли çурт-йĕрĕн управляющи компанийĕсен ĕçне йĕркелессипе çыхăннă ыйтăва тишкернĕ май Олег Николаев Пăрачкаври ĕç-пуçпа кăсăкланчĕ: çынсем унта çурла уйăхĕн 2-мĕшĕнчен тытăнса ĕçмелли шыв çукки пирки чан çапаççĕ иккен. Çак шăрăхра — шывсăр...
Хăш-пĕр округра тухăç темшĕн пĕчĕк
Чăваш Ен Пуçлăхĕ Олег Николаев ирттерекен тунтикунхи канашлура ял хуçалăх министрĕ Сергей Артамонов ĕççипе паллаштарчĕ. Тыр-пула, выльăх апатне кăçал 547 пин гектар çинчен пухса кĕртмелле. Çав шутра тĕш тырăпа пăрçа йышши культурăсем — 300 пин, çĕр улми — 5,5 пин, пахча çимĕç — 847, техника культурисем — 35 пин, выльăх апачĕлĕх культурăсем 139 пин гектар йышăнаççĕ. Тырă пирки калас тăк — унăн анисен 56,6% /168 пин гектар/ тулă çитĕнтернĕ. Техника культурисенчен аграрисем рапса ытларах килĕштереççĕ — вăл анасен 42% йышăнать.
Çынсене çăлма васкаман...
Сăнанă тăрăх, шăрăх çанталăк шывсем çинчи инкексен шутне тăруках ÿстерет. Халĕ те çаплах пулса тухрĕ. Ыйту çивĕчлĕхне кура кун пирки тунтикун республика Пуçлăхĕ Олег Николаев ĕç тăвакан влаç органĕсен та муниципалитетсен етÿçисемпе ирттернĕ канашлура та калаçу пулчĕ. Çăлавçăсем тĕлĕшпе ÿпкевлĕ сăмахсем те янăрарĕç.
Сăнав канашне туса хучĕç
Паян Пĕтĕм Раççейри "Пĕлÿ" пĕрлĕхĕн Чăваш Республикинчи уйрăмĕн Сăнав канашне туса хучĕç. Анлă пуху И.Я.Яковлев ячĕллĕ Чăваш патшалăх педагогика университетĕнче иртрĕ.
Çил-тăвăл кÿнĕ инкекре çăмăлттайлăх тÿпи те пысăк
Иртнĕ эрне вĕçĕнче Атăл тăрăхĕнчи темиçе регионта вăйлă çил-тăвăл алхасрĕ. Çав шутра — Чăваш Енре те. ЧР Пуçлăхĕ Олег Николаев Çут çанталăк кӳнĕ сиене пĕтерессипе çыхăннă ĕçсене тунтикун ирттернĕ канашлура ĕç тăвакан влаç органĕсен тата муниципалитетсен ертӳçисемпе сӳтсе яврĕ.
6 уйăхри ача вилнĕ