Канмалли кунсенче Тольятти хулинче каратэ енĕпе иртнĕ «Туслăх Кубокĕ» Пĕтĕм Раççейри ăмăртăва Чăваш енĕн пĕрлештернĕ команди ăнăçлă хутшăннă.

Чÿк уйăхĕн 19-мĕшĕнче И.Я. Яковлев ячĕллĕ Чăваш патшалăх педагогика университечĕн чăваш тата вырăс филологийĕн факультетĕнче Çеçпĕл Мишши çуралнăранпа 120 çул çитнине халалланă «Халăхăмăр мухтавĕ. Вилĕмсĕр йыхравçă» литературăпа музыка каçĕ иртрĕ.

Шăмат кун, чÿк уйăхĕн 15-мĕшĕнче, Чĕмпĕр облаçĕнчи чăвашсен «Канаш» хаçачĕ тата «Эткер» телекăларăм тухма пуçланăранпа 30 çул çитнине анлăн паллă тунă.

Кăçалхи кăрлач-юпа уйăхĕсенче республикăн промышленноç производствин индексĕ 104,8% танлашнă. Ял хуçалăх кăтартăвĕ - 102%. Çак тата ытти цифрăна ЧР Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе тунтикунсерен ирттеркен планеркăра экономика аталанăвĕн министрĕ Павел Иванов пĕлтерчĕ.

«Урăх тÿрлетместпĕр – кăçалхи бюджетăн тăваттăмĕш тÿрлетĕвĕ юлашки пулать-тĕр…» — терĕ ЧР Пуçлăхĕ Михаил Игнатьев Министрсен Кабинечĕн тунтикунхи черетсĕр ларăвĕн кун йĕркинчи ыйту пирки. Çав ыйту — республикăн 2019 çулхи бюджечĕн тупăш пайне пысăклатасси.

Паян Чăваш Ен Пуçлăхĕ Михаил Игнатьев Министрсен Кабиинечĕн членĕсемпе тата муниципалитет районĕсемпе хула округĕсен пуçлăхĕсемпе канашлу ирттерчĕ.

Паян Правительство çуртĕнче "Çурт-йĕр тата хула территорийĕ" наци проекчĕпе килĕшÿллĕн хуласенчи общество вырăнĕсене хăтлăлатассине тата çак ĕç-хĕле пурнăçламалли условисене лайăхлатассине сÿтсе яврĕç. Ларăва республика Пуçлăхĕ Михаил Игнатьев ертсе пычĕ. "Çавра сĕтел" ĕçне муниципалитетсен представителĕсем хутшăнчĕç.

Шупашкарти Ухсай ячӗллӗ культура керменӗнче Правительство пуҫлӑхӗ Иван Моторин тата Чӑвашкредитпромбанкӑн вӑхӑтлӑх администрацийӗн представителӗсем эрнекун банк вкладчикӗсемпе курнӑҫрӗҫ, вӗсен ыйтӑвӗсене хуравларӗҫ.

Шупашкарта чÿк уйăхĕн 14-16-мĕшĕсенче федерацин Атăлçи округĕнчи çамрăк парламентарисен «Политика горизончĕсем» регионсен хушшинчи съезчĕ иртет. Ăна Шупашкар хула депутачĕсен Пухăвĕ çумĕнчи çамрăксен парламенчĕ йĕркеленĕ: Чăваш Енĕн тĕп хулинче — пĕрремĕш хут.

Паян Правительство çуртĕнче ЧР Пуçлăхĕ Михаил Игнатьев РФ Патшалăх Думин депутачĕпе, аграри ыйтăвĕсемпе ĕçлекен комитет членĕпе Иван Лоорпа тĕл пулчĕ.

Pages

Subscribe to