Чăваш Енре кăçал патшалăх программисене пурнăçлама уйăракан укçан пĕтĕмĕшле калăпăшĕ питĕ пысăк – 55,8 миллиард тенкĕ. Бюджет укçи шута пушшех юратать те — кашни тенкĕ тĕлĕшпе тимлĕх кирлĕ, тĕрĕслев çирĕп пулмалла. Хăшĕсене ку килĕшмест пуль. Анчах унашкаллисене Следстви комитечĕн республикăри управленийĕн ертÿçи Александр Полтинин Америка сенаторĕн Гари Хартăн каларăша çаврăннă сăмахĕсене аса илтерет: „Енчен те патшалăх çурăмăр хыçăнче тăни килĕшмест тĕк – аллăрсене унăн кĕсйинчен кăларăр“.

Чăваш Ен Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе ирттернĕ паянхи канашлура 1,5 çултан пуçласа 3 çулчченхи ачашăн паракан пособие ÿстерессипе çыхăннă ыйтăва та сÿтсе яврĕç.

ЧР Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе ирттернĕ паянхи канашлура 9-мĕш тата 11-мĕш классенчен вĕренсе тухакансен патшалăхăн пĕтĕмлетÿ аттестацийĕн малтанхи кăтартăвĕсемпе ЧР вĕрентÿпе çамрăксен политикин министрĕ Сергей Кудряшов паллаштарчĕ.

Выльăх апатне хатĕрлес ĕç мĕнлерех пыни, патшалăхăн пĕрлехи экзаменĕсен малтанхи пĕтĕмлетĕвĕсем, ача-пăча сывлăхне çирĕплетмелли лагерьсенче 1-мĕш смена епле иртни — шăпах çак ыйтусене сÿтсе яврĕç паян ЧР Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе ирттернĕ канашлура.

Хĕрÿ тапхăр - çураки - вĕçленнĕ хыççăн республикăра ĕçпе спорт уявне ирттересси йăлана кĕнĕ ĕнтĕ. Каçалсем çĕр ĕçченĕн уявне тата район 80 çул тултарнине анлă паллă турĕç. Уява Чăваш Ен Пуçлăхĕ Михаил Игнатьев, ытти сумлă хăна хутшăнчĕ.

Паян Шупашкарти электроаппарат заводĕнче «Север» мобильлĕ цифра подстанцийĕн пĕрремĕш проекчĕн презентацийĕ иртрĕ. Унта Чăваш Республикин Пуçлăхĕ Михаил Игнатьев та хутшăнчĕ.

28 Jun, 2019 | Халăх çыравĕ

2020 çулхи юпа уйăхĕнче пирĕн çĕршывра Пĕтĕм Раççейри халăх çыравĕ иртмелле. Çак пысăк та пĕлтерĕшлĕ мероприятие епле хатĕрленни çинчен РФ патшалăх статистикин службин Чăваш Енри уйрăмĕн ертÿçи Эльвира Максимова каласа пачĕ.

28 Jun, 2019 | Культура

Паян Мускаври Национальноçсен çуртĕнче 18 сехетре Чăваш поэзийĕн каçĕ иртĕ. Ăна Чăваш Енри Профессионал писательсен союзĕ (правлени ертÿçи - Лидия Филиппова, "Хыпар" издательство çурчĕн "Тăван Атăл" журналĕн редакторĕ) Мускаври хастарсем пулăшнипе йĕркеленĕ.

Республикăри ятлă-сумлă сăвăçсемпе çыравçăсен пĕр ушкăнĕнчен, юрăçсенчен, журналистсенчен тăракан йыш çĕршывăн тĕп хулине тухса кайрĕ. 

Pages

Subscribe to