Çĕртме уйăхĕн 29-30-мĕшĕсенче Çĕрпÿ районĕнчи Михайловка ял тăрăхĕн территорийĕнче - Чăваш ял хуçалăх ăслăлăх-тĕпчев институчĕн сăнавсем ирттерекен уйра - «Уй кунĕ - 2017» республика куравĕ иртрĕ.
Чăваш Енĕн Сывлăх сыхлав министерстви аптекăсен ертÿçисен ячĕпе çыру ăсатнă. Унта "Асептолин" препарата сутма чарăнма е пĕр алла икĕ флаконтан ытла мар сутма ыйтнă.
Паян ирхи 2 сехет тĕлĕнче Йĕпреç районĕнчи Пучинкери сĕт заводĕнче инкек пулнă. Унта типĕтнĕ сĕт цехĕнче вакуум двигателĕ ванса кайнă. Оборудование юсама кÿлĕннĕ 33 тата 46 çулти икĕ арçын вĕри пăспа пиçсе кайнă.
2016 çул кăтартăвĕсем тăрăх Чăваш Республики сывлăх сыхлавĕн тухăçлă ĕçĕпе Раççей субъекчĕсен хушшинче пиллĕкмĕш вырăн йышăннă. Çакăн çинчен Министрсен Кабинечĕн Иван Моторин премьер ертсе пынипе паян иртнĕ ларăвĕнче ЧР сывлăх сыхлавĕн министрĕ Владимир Викторов пĕлтерчĕ.
2016 çулта РФ Правительстви пуçарнипе «Раççейри халăхсен наци литературин антологийĕ» проект ĕçлеме пуçларĕ. Унăн тĕп тĕллевĕ — тĕрлĕ халăхăн ылтăн çÿпçинчи хайлавĕсене антологие пухасси. Кăçал проектăн пĕрремĕш ĕçĕ — РФ халăхĕсен хальхи поэзийĕн анталогийĕ кун çути курчĕ.
Правительство çуртĕнче паян, Çамрăксен кунĕнче, ЧР Çамрăксен патшалăх премине савăнăçлă лару-тăрура пачĕç. Ăна тивĕçнĕ 21 çынна ЧР Министрсен Кабинечĕн Председателĕ Иван Моторин саламларĕ.