Республика кунĕ «Хыпар» хаçата, çавăн пекех пĕр харăсах «Тантăш» хаçата тата «Самант» , «Тетте» журналсене 2017 çулăн иккĕмĕш çурринче илсе тăмашкăн çырăннисемшĕн чăнласах та икĕ хут уяв пулчĕ теме юрать.
Паян, çĕртме уйăхĕн 24-мĕшĕнче, 19 сехетре Шупашкарти Чăваш патшалăх академи драма театрĕ умĕнче Республика кунне халалланă "Мухтав сана, Чăваш Енĕм, манăн килĕм!" тетрализациленĕ представлени иртрĕ.
Республика Пуçлăхĕн Михаил Игнатьевăн парнисемшĕн Пĕтĕм Раççейри «Руç ăстисем» конкурса хутшăнакансем икĕ кун хăйсен пултарулăхне кăтартрĕç.
Республика кунне илем кӳрекен самантсенчен пӗри - "Раҫҫей ҫӑлкуҫӗсем" фестиваль. Халӑх юратӑвне ҫӗнсе илнӗскере Шупашкар ҫыннисем, хӑнисем чӑтӑмсӑррӑн кӗтеҫҫӗ. Кӑҫалхипе 25-мӗш хут иртнӗ фестивале Раҫҫейӗн 26 регионӗнчи пултарулӑх ушкӑнӗсем хутшӑнчӗҫ. Чӑваш Ене Китайран та сумлӑ хӑнасем ҫитнӗ. Фестиваль ӗнер, ҫӗртме уйӑхӗн 23-мӗшӗнче, савӑнӑҫлӑ лару-тӑрура уҫӑлчӗ. Паян Хӗрлӗ тӳремре "Раҫҫей ҫӑлкуҫӗсен" гала-концерчӗ иртрӗ.
Тĕрлĕ наци çынни пĕрле юрласа ташланине сăнама çав тери кăмăллă. Туслăх пĕрлештерет пире. Хăнана чăваш яланах хапăл. Пĕрле пуçтарăнни уяв сумне ÿстерет.
Уяв кунĕ тĕлне хитреленсе хăтлăланнă Пăрачкав кÿршĕ регионсенчен тата хамăр республикăри районсемпе хуласенчен вун-вун хăнана йышăнчĕ. Пухăннисене республикăри паллă артистсемпе пултарулăх коллективĕсем, районти çамрăк ташăçăсемпе юрăçсем, халăх ансамблĕсем савăнтарчĕç.
Республика кунĕнче Пăрачкав районĕнчи Куславкка ялĕнче çĕнĕ ФАП уçăлчĕ. Çак пулăмпа ял çыннисене ЧР Пуçлăхĕ Михаил Игнатьев, РФ Патшалăх Думин депутачĕ Алена Аршинова, РФ Федераци Канашĕн членĕ Вадим Николаев, ЧР Патшалăх Канашĕн Председателĕ Валерий Филимонов, Пăрачкав район администрацийĕн пуçлăхĕ Евгений Лебедев саламларĕç.
Чăвашла верси
Русская версия
