Паян Чăваш патшалăх академи драма театрĕнче «Академи вокалĕ: вĕрентÿ вăрттăнлăхĕсем» ятпа ăсталăх сехечĕ иртрĕ. Унта республикăри тĕрлĕ районпа хулари музыкăпа ÿнер шкулĕсен, пулатурлăх кĕрменесĕн преподавателĕсем, ача-пăча коллективĕсен ертÿçисем хутшăнчĕç.
Чăваш патшалăх ял хуçалăх академийĕнче «Ял территорийĕсене аталантарас ĕçри ял хуçалăх потребителĕсен кооперацийĕсен тÿпи» темăпа «çавра сĕтел» хушшинчи калаçу иртнĕ.
Çĕртме уйăхĕн 23-мĕшĕнче Шупашкарта Федерацин травматологи, ортопеди тата эндопротезировани центрĕнче «Пысăк сыпăсене улăштарассипе çыхăннă ыйтусем» темăпа Регионсен хушшинчи IХ ăслăлăхпа практика конференцийĕ иртрĕ.
Паян, çĕртме уйăхĕн 23-мĕшĕнче, Чăваш наци музейĕн пысăк залĕнче «Хальхи тĕнчери этнокультура» Раççей шайĕнчи наука-практика конференцийĕ иртрĕ. Ăна Чăваш патшалăх культурăпа искусство институчĕн ректорĕ Наталья Баскакова ертсе пычĕ.
Паянах, çĕртмен 23-мĕшĕнче, Правительство çуртĕнче "Чăваш наци конгресĕн Чăваш Республикинчи районĕсенче тата Раççей Федерацийĕн регионĕсенче пурнăçламалли ĕçсен май-меслечĕсем" темăпа "çавра сĕтел" иртрĕ. Унăн ĕçне Чăваш наци культура автономийĕсемпе ытти чăваш пĕрлĕхĕсен ертÿçисемпе пĕрлех Чăваш Республикин Пуçлăхĕ М.В. Игнатьев хутшăнни уйрăмах пĕлтерĕшлĕ.
Паян, çĕртме уйăхĕн 23-мĕшĕнче, Чăваш Республикин Правительство çуртĕнче Чăваш наци конгресĕн Мăн Канашĕн анлă ларăвĕ иртрĕ. Унăн ĕçне ЧНК Мăн Канашĕн пайташĕсем, ЧНКан регионсенчи, Чăваш Енри районсенчи уйрăмĕсен ертÿçисем, министерствăсемпе ытти тытăмра тăрăшакансем хутшăнчĕç.
Ĕнер Шупашкар районĕнчи Урай Макаç ялĕнчи «Астăвăм» мемориал комплексĕнче çĕнĕ постамент уçăлнă. Пысăках та мар, пĕчĕкех те мар çак ялта Астăвăм аллейине вырăнти хастарсем унчченех йĕркеленĕ. Çулсем иртнĕ май ăна пăхса-йĕркелесе тăнипех çырлахман, малалла аталантарнă.
Паян пирĕн республикăра ĕне сăвакансемпе выльăхсене пĕтĕлĕнтерекен техниксен конкурсĕ пуçланнă. Вăл Шупашкар районĕнчи «Ольдеевская» агрофирмăра иртет.
Тупăшăва 19 техникпа 23 дояр тухнă. Яланхи пекех вĕсем тĕплĕ тĕрĕслев витĕр тухаççĕ: сумалли хатĕрсене пуçтарасси, ĕне сăвасси, ветеринарипе зоотехника правилисене пĕлесси... Çĕнтерÿçĕсем Мордва Республикинче иртекен Пĕтĕм Раççейри конкурсра республика чысне хÿтĕлĕç. Конкурс иртекен лапамрах районти ал ăстисен куравĕпе паллашма пултарнă.
Чăвашла верси
Русская версия
