Тăван çĕр-шывăн Аслă вăрçин пирĕн халăхăн Çĕнтерĕвĕпе вĕçленнĕ кунĕ историре темĕн чухлĕ аяккарах кайса пырать пулин те унăн пĕлтерĕшĕ нихăçан та сĕвĕрĕлмĕ. Рейхстаг çинче хĕрлĕ ялав çĕкленĕренпе кăçал 69 çул çитет. Пысăк çухатупа килчĕ çу уйăхĕнчи хĕвеллĕ çав кун. Аслă ăрусен паттăрлăхĕ, вĕсен вилĕмсĕрлĕхĕ килекен ăрусен асĕнче яланах упранĕ. Республика кăçал та ăна чыслăн палăртма хатĕрленет.
"Хыпара" тата "Çамрăксен хаçатне" электронлă майпа çырăнсан хут çине пичетленĕ хаçатсем вырăнне сирĕн патăра вĕсен электронлă версийĕ пырса тăрĕ. Кĕскен - пичет кăларăмĕ тухнă кун хăвăрăн электронлă почтăра кăларăмăн виртуаллă версине PDF форматра уçса вулаятăр. Сирĕн компьютерăн, ноутбукăн, нетбукăн, планшетăн е тата смартфонăн экранĕнче хут çинче пичетленнĕ хаçатах курăнĕ. Вăл текст тĕлĕшĕнчен те, калăплав енĕпе те почтальон валеçекеннинчен уйрăлса тăмасть.
"Хыпарпа" "Çамрăксен хаçатне" электронлă майпа çырăнмашкăн хăвăршăн меллĕ меслете суйлăр:
Пĕчĕк ялта та культура вучахĕ сÿнменни савăнтарчĕ мана. Тăвай районĕнчи Лачкассинче çĕре яхăн çын пурăнать. Ытларах - ватăсем. Ача-пăча шучĕ - 9. Паллах, кун пек чухне пултарулăх ушкăнĕсем йĕркелеме çăмăл мар. Çапах кашни уява пĕрле пухăнса ирттерет ял халăхĕ. Акă йăлана кĕнĕ тăрăх - Çимĕкре вăййа тухаççĕ вĕсем. Кунта ватти-вĕтти хутшăнать. Чăваш кĕпи тăхăнса вăйă картине тăрать.
Тĕплĕнрех "Хресчен сасси" хаçатăн çитес номерĕнче.
Хăйĕн хушаматне-ятне уçăмлатма тăхтаса тăнă, адресне кăтартман автор "Хыпар" хаçат редакцине янă çырăвне "Чун ыратăвĕ" тесе ят панă. "Массăллă информаци хатĕрĕсем çинчен" саккунпа килĕшÿллĕн эпир ун пеккисене пичетлеместпĕр. Архива ăсатас тесе тăнă чухне çапла тума темшĕн алă çĕкленмерĕ. Мĕншĕн тесен автор хăйĕн шухăшне каланипе пĕрлех ăна тăватă сăн ÿкерчĕкпе çирĕплетнĕ. Апла тăк - каланинче чăнлăх-тĕрĕслĕх пурах.
Кăçал çуркунне яланхинчен 10-12 кун маларах килчĕ. Раççей ял хуçалăх центрĕн Чăваш Енри филиалĕ пĕлтернĕ тăрăх - çуркунне акма республикăра хальлĕхе 50 пин тонна яхăн тырă хатĕрленĕ. 971 тыр-пул комбайнĕ шута илнĕ, вĕсенчен 109-ăшĕ «Енисей» маркăллă, 48 проценчĕ - «Нива», анчах чылайăшĕ кивелсе çитнипе хире тухаймĕ. Специалистсем ака уйăхĕн 20-мĕшĕ хыççăн çурхи ĕççи пуçланасса систереççĕ.
Професси шайĕ пысăк пулнишăн, хастарлăхшăн, публикацисен çивĕчлĕхĕпе тĕрĕслĕхĕшĕн И.Н.Ульянов ячĕллĕ Чăваш патшалăх университечĕн пресс-службăпа информаци пайĕ "Вуз пресс-служби - 2013" Пĕтĕм Раççейри I конкурсра диплома тивĕçнĕ. Унта Раççейри 65 регионти 181 аслă шкул хутшăннă.
Ака уйăхĕн 13-мĕшĕнчи хушма суйлавра республикăри 11 районта 5 ял тăрăхĕн пуçлăхне, районăн 2 тата ял тăрăхĕсен 8 депутатне палăртĕç. Суйлава 31 участок комиссийĕ, 8722 суйлавçă хутшăнать.
Нумаях пулмасть Экономикăн аслă шкулĕн статистика тĕпчевĕсен тата экономика пĕлĕвĕсен институчĕ Раççей Федерацийĕнчи субъектсен инноваци аталанăвĕн индексне, вĕсен рейтингне пĕтĕмлетнĕ. Тишкерÿ мĕн кăтартса панă-ха?
Инноваци аталанăвĕ енĕпе чи малта - Мускав, Тутарстан тата Санкт-Петербург.
Инноваци çулĕн пуçĕнче: Чул хула, Калуга облаçĕсем, Чăваш Республики, Свердловск, Томск, Мускав, Ульяновск облаçĕсем, Пермь крайĕ, Новосибирск облаçĕ.
Рейтингăн чи аялти картлашкинче: Ингуш, Калмăк тата Чечен республикисем.
Комсомольски районĕнчи Александровка ял тăрăхĕнче пурăнакансем. Пуш уйăхĕн 11-мĕшĕнче Киров поселокĕ патĕнче йăлари хытă каяш полигонĕ тăвас тата ăна уйăракан предприяти йĕркелес ыйтăва сÿтсе явма Александровкăри культура çуртне пуçтарăннă. Унта халăх итлевĕ иртнĕ.
Чăваш Ен спортсменки, Олимп вăййисене хутшăннă Елена Муратова уйăх каялла тĕнче кубокĕн 19-мĕш тапхăрĕнче кĕмĕл медаль çĕнсе илнине пĕлтернĕччĕ. Çак кунсенче савăнăçлă тепĕр хыпар çитрĕ: пирĕн ентеш çĕр-шыв чемпионатĕнче виççĕмĕш вырăн йышăннă.
Чăвашла верси
Русская версия
