Культура вучахĕсем ял çыннине илемлĕх тĕнчине илсе кĕреççĕ, кăмăл-туйăмне çĕклеççĕ. Елчĕк районĕнчи Кĕçĕн Таяпари информаципе культура центрне чылай çул Глафира Григорьева ертсе пырать. Нумаях пулмасть Глафира Германовна 55 çул тултарнă. Юбиляр ячĕпе Кĕçĕн Таяпа вулавăшĕнче "Чунĕпе культурăна парăннă" уяв каçĕ йĕркеленĕ.
Çакăн пек курав уçăлать ыран Вăрнарти историпе тавра пĕлÿ музейĕнче. Ăна Культура çулталăкне халалланă. Экспозицире - Ольга Свойкина алă ăстин ĕçĕсем.
Ольга Канашра пурăнать. Тĕрлĕ пусмаран, тăмран, йывăçран пукане, тетте, интерьер япали, тĕрленĕ тумтир, картина, аксессуар ... ăсталать. Талантлă авторăн ăста аллинче ахаль япала, асамлă юмахри пек дизайнер изделине çаврăнать. Мĕн кăна çук унта! Искусствăна, илеме юратакан кашни çыннах кунта хăйне кăмăла каяканнине тупатех.
Раççей Федерацийĕн Ют çĕр-шыв ĕçĕсен министерствин /ЮÇĔМĕн/ Чул хулари представительстви çулсерен çак ятпа регионсен хушшинче конкурс йĕркелет. Кăçалхи - вун пĕрмĕш. Вăл Раççей Президенчĕн федерацин Атăлçи округĕнчи полномочиллĕ представителĕн аппарачĕ пулăшнипе иртет. Унта хутшăнма Чул хула, Киров облаçĕсенчи, Мордва, Чăваш, Удмурт республикисен территорийĕнчи аслă пĕлÿ çук тата кăçал вăтам шкултан вĕренсе тухакан, РФ Ют çĕр-шыв ĕçĕсен министерствин тытăмĕнче ĕçлеме кăмăл тăвакан çамрăксене йыхравлаççĕ.
Вăрнар районĕнче «Çулталăкри вĕрентекен — 2014» конкурс финалĕ иртнĕ. Туçи Çармăс шкулĕнче технологи предметне вĕрентекен тата директор çумĕн ĕçĕсене пурнăçлакан Татьяна Волкова çĕнтерÿçĕ ята илнĕ.
Шел, чĕрĕ мар - иккĕшĕ те вилнĕ. 21 çулти çамрăксем икĕ талăк килне таврăнман та - ашшĕ-амăшĕ хыпăнса ÿкнĕ. Шăмат кун ирхине вĕсем ывăлĕсем çухални çинчен полицие пĕлтернĕ. Çав кунах каччăсенчен пĕрин ашшĕ хăйĕн Шупашкарти Çĕнĕ Лапсар поселокĕнчи гаражне кайнă. Алăка шалтан питĕрнипе тĕлĕннĕ. Уçнă та - çухалнă ывăлĕпе унăн тусĕ боксри автомобиль салонĕнче иккен. Малти ларкăчсем çине вырнаçнăскерсем пĕри те сывламаççĕ...
Владикавказра йывăр атлетика енĕпе çĕр-шыв ăмăртăвĕ вĕçленнĕ. Пирĕн ентешсем тăван ене тăватă медальпе таврăннă.
Ака уйăхĕн 9-мĕшĕнче Чăваш наци музейĕнче Космонавтика кунне халалласа Александр Мовчан ĕçĕсен "Чарланпа" "Кăйкăр" пирĕн патра хăнара" выставки уçăлать. Вăл - Наци музейĕпе Шуршăлти А.Г.Николаев космонавт летчикăн Асăну комплексĕн пĕрлехи проекчĕ. Экспозици Совет Союзĕн Геройĕсем Андриян Николаевпа унăн мăшăрĕ Валентина Терешкова чăваш çĕрĕ çинче пулнă тапхăра сăнлĕ. Куравра "çăлтăрлă мăшăрпа" тĕплĕ паллаштаракан халĕччен ниçта та пичетленмен тата кăтартман сăн ÿкерчĕксене вырнаçтарнă.
 |
| "Сетнер и Нарспи у родника" |
Елчĕк районĕнче паттăрсене манмаççĕ. Вĕсене халалласа сăвă хайлаççĕ, стенд хатĕрлеççĕ, спорт ăмăртăвĕсем йĕркелеççĕ. Лаш Таяпа ялĕнче Владимир Яковлева асăнса пиçиххипе кĕрешес енĕпе турнир иртнĕ. Владимир Петрович Афган вăрçине хутшăннă, Хĕрлĕ Çăлтăр орден кавалерĕ.
Чăвашла верси
Русская версия
