Китаецсем Чăваш Енре пĕрлехи предприятисем уçас кăмăллă. Çакăн çинчен ĕç тăвакан влаç органĕсен тата муниципалитетсен ертӳçисемпе тунтикунсерен ирттерекен канашлура экономика аталанăвĕн министрĕн çумĕ Дмитрий Бельцов пĕлтерчĕ.
«Чăваш Ен» издательство-полиграфи комплексне туса хунăранпа 55 çул çитрĕ. Пĕлтерĕшлĕ çак юбилее паян Шупашкарти Иван Яковлев проспектĕнчи Пичет çуртĕнче уявларĕç.
Экзамен пĕтĕмлетĕвĕсемпе вĕрентӳ министрĕ Дмитрий Захаров ЧР Пуçлăхĕ Олег Николаев тунтикун ирттернĕ канашлура паллаштарчĕ.
Пĕтĕмпе Тĕрĕслев йĕркеллĕ иртнĕ. Экзаменсене питĕ ăнăçлă тытнă çамрăксен йышĕ пысăк. Вăл е ку предметпа 100 балл пухнисен йышĕ 80 яхăнах — иртнĕ çулхинчен нумайрах. 5 çамрăк вара икшер предметпа 100-шер балл пухнă. Пĕлтĕр унашкаллисем республикăра иккĕн кăна пулнă.
Тунтикунхи канашлура Чăваш Ен Пуçлăхĕ Олег Николаев экономика аталанăвĕн министрĕ Дмитрий Краснов çак кунсенче Раççейĕн пысăк делегацийĕн йышĕнче Китайра иртекен, пĕчĕк тата вăтам предпринимательлĕхе аталантарассине халалланă конференцие хутшăнни çинчен пĕлтерчĕ.
Чăваш Ен чылай енĕпе федерацин Атăлçи округĕнчи ытти регионтан ăнăçлăрах ĕçлет. Çак пĕтĕмлетĕве тунтикун ЧР Пуçлăхĕ Олег Николаев ĕç тăвакан влаç органĕсен тата муниципалитетсен ертӳçисемпе ирттернĕ канашлура экономика аталанăвĕн министрĕн тивĕçĕсене пурнăçлакан Надежда Столярова турĕ.
Чăваш паташлăх филармонийĕнче паян федерацин Атăлçи тата Урал округĕсенчи патриотизм воспитанийĕн сферинче тăрăшакансен форумĕ уçăлчĕ.
Анлă канашлăва хутшăнакансене Чӑваш Ен Пуҫлӑхӗ Олег Николаев саламларӗ.
Паян Çĕрпÿ районĕнче республикăн Уй кунĕ иртрĕ. Аграрисен республикăран тата тулашран пуçтарăннă представителĕceм ял хуçалăх культурисен, техникипе оборудованийĕн, минерал удобренийĕceн, хими им-çaмĕн, агропромра усă куракан ытти ресурсăн куравĕ иртрĕ.
Çу пуçламăшĕнчен тытăнса ветеринари специалисчĕсем Шупашкар пасарĕсенчи 722 тонна арпуспа дыня пахалăхне тĕрĕсленĕ. Нитрат виçи нормăран иртнине шута илмен.
Тĕпчев кăтартăвĕ тăрăх çимĕç илсе килекене уйрăм документ параççĕ. Ăна туянакансен те сутуçăран ыйтма ирĕк пур.
Паян Шупашкар округĕнчи Шĕнерпуç территори уйрăмĕнчи Хыркасси ялĕнче Пĕрремĕш çырла фестивалĕ иртрĕ.
И.Н.Ульянов ячĕллĕ ЧПУн медицина факультечĕн студенчĕсем практика вăхăтĕнче васкавлă медицина пулăшăвĕн бригадипе пĕрле çула тухнă.
Чăвашла верси
Русская версия
