Чăваш кĕнеке издательствинче «Çĕршывăмçăм, Чăваш çĕршывĕ. Чувашия родная» сăвăсен кĕнеки пичетленнĕ. Çĕнĕ ĕçе икĕ сумлă датăна халалланă: Чăваш автономи облаçне йĕркеленĕренпе 100 çул çитнине тата Чăваш кĕнеке издательствин пĕр ĕмĕрхине.
Çу уйăхĕн 17-мĕшĕнче Етĕрне районĕнче 28 çулти амăшĕпе унăн 9 çулти хĕрĕ инкеке лекнĕ. Авари «Сăр» автоçул çинче пулнă. «Фольсваген-Пассат» рулĕ умĕнчи хĕрарăм-водитель кювета чăмнă. Машинăра хĕрарăмăн хĕрĕ пулнă. Иккĕшне те больницăна ăсатнă.
Шупашкарти больницăра коронавирусран сипленекен хĕрарăма больницăран тухса тарнăшăн явап тыттарĕç.
COVID-19 диагноза çирĕплетнĕ хыççăн ăна ака уйăхĕн вĕçĕнче сипленме вырттарнă. Çу уйăхĕн 6-мĕшĕнче хĕрарăм йĕп пек çухалнă. Ăна полицейскисене шыраттарма тивнĕ. Тăрăшни сая кайман – 43 çулти хĕрарăма темиçе сехетрен хулари остановкăсенчен пĕринче асăрханă.
Шупашкарта ача-пăчан ÿнер пултарулăхĕн «Манăн тăван тăрăхăм – манăн Чăваш Ен» республикăри онлайн-конкурс иртет. Пултарулăх ăмăртăвне 2012 çулта пуçарнă. Кăçалхине Чăваш автономи облаçне йĕркеленĕренпе 100 çул çитнине халалланă.
Паян "Хыпар" хаçатăн политика, вырăнти хăй тытăмлăх тата экономика пайĕн тишкерÿçи Валентин Григорьев Чăваш Енри ял хуçалăх предприятийĕсенче çур акине епле хатĕрленнипе паллашать. Инçе çула вăл Чăваш Енĕн ял хуçалăх министрĕн заместителĕпе Денис Паспековпа тата Россельхозбанкăн Чăваш Енри уйрăмĕн управляющийĕн заместителĕпе Ирина Кошкинăпа тухнă.
Чăвашла верси
Русская версия
