Ĕпхÿри шăл тухтăрĕ Петр Петров 20 çул несĕл йывăççине «ÿстерет». Çавна май вăл 3 пин тăванне тупса палăртнă, 11 сыпăк таран тĕпченĕ. Несĕл йывăççинче — 68 пин хушамат.
Паян, ноябрĕн 2-мĕшĕнче, Шупашкарта ял хуçалăхĕпе промышленноçра ĕçлекенсене чысларĕç.
Çĕр ĕçченĕсене, тирпейлекен промышленноçра вăй хуракансене, хăнасене «Шупашкар-Арена» пăр керменĕ илемлĕ юрă-кĕвĕпе кĕтсе илчĕ. Уява килнисем республикăра чĕр тавар тирпейлекен предприятисен продукцийĕпе те паллашрĕç.
Вăл яланах халăхпа пĕрле пулма тăрăшать. Юрра-кĕвве кăмăллать, спортпа туслă, хăнасене тутлă апат-çимĕçпе сăйлать, пахча тулли чечек çитĕнтерет. Сăмахăм — Етĕрне районĕнчи Килтĕшре пурăнакан Елена Маркова çинчен.
Иçĕм çырлине халĕ Чăваш Енре чылайăшĕ çитĕнтерет. Çавăнпа та вулаканшăн çĕнĕлĕх мар ку пулăм. Канаш районĕнчи Калиновкăри пек пахчаçăсем вара республикăра сайра. Пĕри тепринчен маттуртарах вĕсем. Пĕр-пĕринпе канашласа вăй хуни вĕсене ĕçре пулăшса пырать.
Инкек куçран пăхсан…
Фермер хуçалăхне 4,5 гектартан пуçланă вăл. Хăйĕн, мăшăрĕн тата амăшĕн çĕр пайĕнчен. Ерипен ăна пысăклатса пынă: лаптăксене ял çыннисенчен тата ял тăрăхĕнчен арендăна илнĕ. Паян 400 гектара яхăн çĕр çинче тĕрлĕ культура çитĕнтерет. Сăмахăм Канаш районĕнчи Маяк ялĕнче пурăнакан Александр Владимиров çинчен пырать.
Ашшĕ-амăшĕ тата ачисем
Чăвашла верси
Русская версия
