Спикер "паян Моляков депутат пулмассине" пĕлтерсен залра ларакан журналистсем тÿрех "апла-тăк паянхи сесси лăпкă иртет" тесе кулкаласа илчĕç-ха, анчах пĕри пулмасан тепри тупăнать - ЧР Патшалăх Канашĕн кĕçнерникунхи черетлĕ вăтăр пĕрремĕш сессийĕ самай шавлă иртрĕ. Тепĕр тесен вăл хăйне кăтартма юратакан çав депутата пула мар, пысăк пĕлтерĕшлĕ ыйтусене татса панипе асра юлĕ. Йĕркипе каласа парар.
Раççейри çулсен пахалăхĕпе юсавлăхĕн ыйтăвĕпе çы-хăннă çивĕчлĕх паян çуралнăскер мар, ку темăпа ахальтен мар ĕнтĕ халăхра анекдотсем те пайтах çÿреççĕ. Малашне вара çак ĕç-пуçа сăнаса тăма РФ Шалти ĕçсен министерствин общество канашĕ те тÿрремĕнех хутшăнĕ. Çакăн çинчен тунтикун канашăн видеоçыхăну мелĕпе регионсене явăçтарса ирттернĕ ларăвĕнче ОК председателĕ Анатолий КУЧЕРЕНА пĕлтер-чĕ.
Республикăра наркотиксене пула шута илнĕ çул çитмен çамрăксен шучĕ пысăк хăвăртлăхпа ÿссе пырать. 2012 çулта унашкаллисем иккĕн кăна пулнă, 2013 çулта - 20, пĕлтĕр вара - 51 çын. Иртнĕ çул тĕрлĕ вĕренÿ заведенийĕнче пĕлÿ илекен 42 студент наркотиксемпе çыхăннă преступлени тунине тупса палăртнă. Кăçалхи 3 уйăхра аслă тата вăтам професси вĕрентĕвĕн учрежденийĕсен 13 çамрăкне çавнашкаллишĕн тытса чарнă. Ыйту çивĕччи куçкĕрет.
Автомобилистсен ку хыпара пĕлмеллех: апрелĕн 12-мĕшĕнчен ОСАГОн никĕс шутланакан çĕнĕ база тарифĕ вăя кĕчĕ. Унăн хакне палăртнă чух чылай параметра шута илеççĕ: региона, стажа, водитель аварисем тунине, автомобиль хăватне. Çапла вара страховщиксем пĕр-пĕринпе клиентсемшĕн тупăшса тарифсене улăштарма - хака пĕчĕклетме - пултараççĕ.
5-рен 20% таран анлăлатнă тариф коридорĕ страхлакан компанисен хушшинчи конкуренцие çивĕчлетме тивĕç. Тĕп банк шăпах тариф çапла "юпленни" ОСАГОна йÿнетме пулăшасса шаннă ĕнтĕ.
Чăвашла верси
Русская версия
