Чăваш Енре наркоманипе чирлесси федерацин Атăлçи округĕнчи, Раççейри вăтам кăтартусенчен пĕчĕкрех. Эппин, ку енĕпе пăшăрханмалли те çук пек. Аплах мар çав. Наркотиксемпе иртĕхекенсен йышĕн çурри - 16-20 çулсенчи çамрăксем. Çийĕнчен, ытти регионпа танлаштарсан, Чăваш Енре çамрăксем наркотикпе çыхăннă преступленисем тăвасси ÿссе пынин туртăмĕ палăрать. Апла-тăк...
ОСАГО страхованийĕн рынокĕнче тухса тăнă çивĕчлĕхе Федерацин монополипе кĕрешекен службин республикăри управленийĕн ертÿçи Вячеслав Борисов шăпах çапла хаклать: «Лавккара эсир пĕр кило рис туянсан сире никам та çийĕнчен тата тепĕр кило сĕлĕ туянма хистемĕ. Страхованире вара - хистеççĕ». ФАС управленийĕ ку енĕпе Росгосстрахпа пĕлтĕртенпех «çапăçни» паллă, çавна май Вячеслав Аркадьевич страхлакан компани монополипе кĕрешекенсен предписанийĕсене мĕнле пурнăçлани çинчен каласа пачĕ.
Хĕл кунĕсем - автомобилистсемшĕн ансат мар вăхăт. Вĕсем хыçа юлнине ЧР ШĔМĕн Çулçӳрев хăрушсăрлăхĕн патшалăх инспекцийĕн управленийĕн пуçлăхĕ Владимир Романов та уйрăммăн пĕтĕмлетес терĕ пулас - январь-февраль уйăхĕсенчи лару-тăрупа паллаштарма журналистсене пухрĕ.
- Мăнукăм шăнкăравласа сехрене хăпартрĕ, - паян та сасси чĕтренсе тухать Валентина Ивановнăн. - Лавккана тухнă та çул çинче такампа тытăçса кайнă, ăна чышса янă, лешĕ ÿксе йывăр суранланнă иккен. «Следователĕ йĕркеллĕ, калаçсан айăпласран хăтăлса юлма пулать. Телефона ăна парам-ха...» - терĕ. Хăйĕнпе Власов следователь тесе паллаштарнăскер йывăр суранланнăскерĕн тăванĕсемпе калаçнă-мĕн - вĕсем çураçма хирĕç мар. Анчах çынна сиплеме укçа тÿлемелле - «эсир пулăшма хатĕр-и? Унсăрăн мăнукăр 8 çуллăхах ирĕклĕхсĕр юлма пултарать». Хăй манăн мăнук ятне те пĕлет вĕт-ха...
Çулталăк пуçламăшĕнче мĕнпур тытăм иртнĕ çула пĕтĕмлетет, умри тĕллевсене палăртать. Çак кунсенче судьясем те хăйсен ĕçне пĕтĕмлетрĕç - ЧР Аслă судĕнче пĕтĕмĕшле юрисдикци сучĕсен ĕçне тишкерессине халалланă семинар-канашлу иртрĕ.
Чăвашла верси
Русская версия
