Ял тăрăхĕсен, вĕсен администрацийĕсен пуçлăхĕсем пулнă çынсем пĕрин хыççăн тепри суд умне тăраççĕ, вĕсем пирки уголовлă ĕçсем пуçараççĕ. Тепĕр чух, ан тив, тахçанхи преступленисем пулччăр — Следстви комитечĕ «ĕлĕкхи» çылăхсене те каçармасть.
Раççей Президенчĕ Владимир Путин эрнекун çĕршыври тата чикĕ леш енчи журналистсем валли пысăк пресс-конференци ирттерчĕ. Шучĕпе вăл 12-мĕш пулчĕ. Тăватă сехете яхăн тăсăлнă тĕлпулура Владимир Владимирович массăллă информаци хатĕрĕсен представителĕсен пилĕк теçеткене яхăн ыйтăвне хуравлама ĕлкĕрчĕ. «Хыпар» паян Президент хуравĕсен уйрăмах пĕлтерĕшлĕ сыпăкĕсемпе кĕскен паллаштарать.
ЧР информаци политикин тата массăллă коммуникацисен министрĕ Александр Иванов юнкун Пичет çуртĕнче пулчĕ, "Хыпар" Издательство çурчĕн коллективĕпе курнăçрĕ.
Росреестрăн республикăри управленийĕ тĕпчев ирттернĕ те — Шупашкар районĕнче ял хуçалăх çĕрĕсемпе пачах урăх тĕллевпе усă курнине тупса палăртнă.
Якутар ялĕнчи лаптăксенче паян тĕрлĕ ял хуçалăх культури ешермелле ĕнтĕ, анчах унта темиçе коттедж ÿсе-ÿсе ларнă. Саккуна пăснине ял тăрăхĕн администрацийĕ Росреестра евитленĕ май космосран тунă ÿкерчĕксене тишкерсе тупса палăртнă. Малтанах патшалăх çĕр инспекторĕсем 9 çĕр лаптăкне тĕпченĕ, вырăна тухса тĕрĕслев ирттернĕ май 5 лаптăкра çуртсем туни çирĕпленнĕ.
Следстви комитечĕн Шупашкарти Калинин районĕнчи пайĕ Шупашкар районĕнчи Ишлей поселокĕн 24 çулти çамрăкĕ тĕлĕшпе пуçарнă уголовлă ĕçе тĕпчет. Вăл ниçта та ĕçлемест, анчах çакă ăна хаклă БМВ рулĕ умне ларма чăрмантарман. Сĕмсĕрскере влаç представителĕсем тĕлĕшпе вăйпа усă курнăшăн айăплаççĕ.
Чăвашла верси
Русская версия
