Налук тÿлекенсем - уйрăм çынсем - валли Уçă алăксен кунĕсем йĕркелессине налукçăсем йăлана кĕртрĕç ĕнтĕ. Вĕсене кăçал та йĕркелеççĕ. Иртнĕ çулшăн çĕр, транспорт тата пурлăх налукĕсене тÿлес ыйтусемпе çынсене «алăксене уçса» сентябрĕн 18, 19-мĕшĕсенче йышăнаççĕ.
Тунтикун Тутарстан çине йăтăнса килнĕ çил-тăвăл, пăрлă çумăр çурт-хуралтăсене сиенлени, çынсем суранланни çинчен центрти массăллă информаци хатĕрĕсем çийĕнчех пĕлтерчĕç.
Шупашкарти Калинин районĕн прокуратури тĕрĕслев ирттернĕ май «Империал» строительство компанийĕ» ОООра ĕçлекенсен прависене пăснине тупса палăртнă.
Компани директорĕ 10 çынна вăхăтра шалу тÿлемен - пĕтĕмпе 800 пин ытла тенкĕ. Обществăн тÿлев шучĕ çинче ĕç укçи валли «кĕмĕл» çителĕклĕ пулнă - пурпĕр ĕçлекенсене кÿрентернĕ.
Тĕрĕслев материалĕсене следстви органĕсене панă май компани директорĕ пирки «организаци ертÿçи икĕ уйăх ытла ĕç укçи тÿлеменшĕн» уголовлă ĕç пуçарнă.
Вырсарникун кăнтăрла Çĕрпÿ районĕн право хуралĕн органĕсене Кăшаркасси ялĕнчен усал хыпар çитнĕ: пĕр хуçалăхри нÿхрепре тăватă çын виллине тупнă...
78 çулти кил хуçи хĕрарăмĕн, унăн 42-ри ывăлĕн тата 56, 36 çулсенчи икĕ арçын пурнăçĕ татăлнă. Çак тĕслĕхпе Следстви комитечĕн Çĕрпÿри пайĕ тĕрĕслев ирттерет. Тепĕр тесен мĕн пулса иртни паллă ĕнтĕ - çынсем нÿхрепре наркăмăшланса вилнĕ.
Пакунлă çын - хÿтĕлевçĕ, çавăнпа та, паллах, унран хăрама кирлĕ мар, анчах - хисеплемеллех. Шел, право хуралĕн органĕсен сводкисенче полицейскисене тапăннă-кÿрентернĕ тĕслĕхсем - çине-çинех. Йĕркелĕх хуралçисем - влаç представителĕсем, вĕсене тапăннăшăн уголовлă майпа явап тыттараççĕ.
Чăвашла верси
Русская версия
