Поликлиника регистратурăран пуçланать
ЧР Сывлăх сыхлав министерстви Пĕтĕм Раççейри республика тапхăрĕн "Поликлиника регистратурăран пуçланать" конкурсне пĕтĕмлетнĕ. Ăна чирлисене йышăнас шая ÿстерес тата медицина учрежденийĕн имиджне хăпартас тĕллевпе йĕркелеççĕ.
Кăçалхи пуш уйăхĕнчен пуçласа çынсене анонимлă майпа анкета çыртарнă. Хак панă чухне хальхи условисене, хутшăну саманчĕсене шута илнĕ. Регистратура ĕçне çавнашкалах республикăри Сывлăх сыхлав министерстви йĕркеленĕ ĕç ушкăнĕ тĕрĕсленĕ.