Раççейĕпех, çав шутра пирĕн республикăра та, юлашки вăхăтра ОРВИ тата грипп чирĕсемпе аптăракансен йышĕ ӳссех пырать. Вирус инфекцийĕ уйрăмах ачасене, çав йышра тин çуралнисене те, хăвăртах лекме пултарать.
«Грипп тата ОРВИ вирусĕ тĕрлĕрен. Лаборатори тĕрĕслевĕ кăна тĕрĕс пĕтĕмлетӳ тума пулăшать. Тĕслĕхрен, грипп 50 тĕрлĕ вирусне тупса палăртнă», - ăнлантарать республикăри Роспотребнадзорăн тĕп специалисчĕ Александр Баранкин.
Шанăçпа канăç çухатнă çын яланах лăпкăлăх шырать, асамлăх кĕтет. Ырă малашлăха ĕненни, чăнах, алă усăнсан та вăй парать. Етĕрне районĕнчи Пушкăртра пулса курнă хыççăн çакнашкал пĕтĕмлетÿ турăм: çут тĕнчене телей курмах çуралать этем.
Иерусалим Турă Амăшĕн сăваплă çăлкуçĕ патне ача çуратайман хĕрарăмсем шыва кĕме килни çинчен пĕлĕшсенчен илтнĕччĕ. Алексей атте мĕн шухăшлать-ши çакăн пирки? «Сываласса ĕненмелле, Турăран тархасласа пулăшу ыйтмалла», - вĕрентсе калать тĕн çынни.
Çак кунсенче Шупашкарта пурăнакан Настя Перцева 7 çул тултарнă. Ăна парнеленĕ шурă чечек çыххи сĕтел çинче капăррăн курăнса ларать. Анчах тĕнчери пур савăнăçа чун витĕр кăларма пÿрмен хĕрачана. Вăл тăванĕсемпе юнашар кăна хăйне хăтлă туять. Сусăр çуралнăскер кулса кăтартни те - амăшĕшĕн пысăк савăнăç.
Ĕнер Оперăпа балет театрĕнче Раççейре - Литература, Чăваш Республикинче Константин Иванов çулталăкне уçнă май кĕнекене юратмалли, калем ăстисен ĕçне хисеплемелли çинчен калаçрĕç. Тĕнчипе палăрнă çыравçăсемпе сăвăçсен ĕçĕсене сцена çине кăларни хăпартлантарчĕ. Çакă - пирĕн чăн пуянлăх.
Эпир, хаçат ĕçченĕсем, çул çÿреме юрататпăр. Республикăн тĕрлĕ кĕтесне çитни, унти лару-тăрупа паллашни "Чăваш хĕрарăмне" татах та пуянлатма пулăшать. Хальхинче эпир çĕнĕ юлташсем тупас тата хамăрăн вулакансемпе тĕлпулас тĕллевпе Вăрмар тăрăхне çул тытрăмăр.
Чăвашла верси
Русская версия
