Марина ГРИГОРЬЕВА

27 Çурла, 2016

Африка мурĕ шар кăтартать

Пирĕн республикăна сысна Африка мурĕ килсе çакланчĕ. Иртнĕ эрнере Пăрачкав районĕнчи Напольное салинче 4 уйăхри сысна вилнĕ. Тĕпчев выльăх шăпах çак чире ертнине çирĕплетнĕ. Сăмах май, сысна Африка мурĕ çĕршывăн икĕ теçетке субъектĕнче сарăлни паллă. Пăрачкав районĕнче, чрезвычайлă лару-тăру пĕлтернĕрен, савăнăçлă мероприятисем ирттерме чарнă.

27 Çурла, 2016

Шупашкарта хитре лифтсем кăлараççĕ

Çак эрнере республика Пуçлăхĕ Михаил Игнатьев Шупашкарти вăй агрегачĕсен заводĕнче тата «Канмаш ДСО» обществăн лифт кăларакан «Эльбрус» заводĕнче пулнă. Унта ĕç калăпăшне ÿстерсси, продукцие çĕнĕ çĕре ăсатасси пирки калаçнă.

Шупашкарти вăй агрегачĕсен завочĕн генеральнăй директорĕ Николай Асафатов кулленхи ĕç-хĕлпе паллаштарнă май предприяти пĕрремĕш çур çулта пĕлтĕрхи çак тапхăртипе танлаштарсан 3,5 хут ытларах тупăш илнине палăртнă. Ĕçлекенсен йышĕ те, шалăвĕ те ÿснĕ.

2 Утă, 2016

Самолет та, вертолет та мар, пăрлă çумăр килнĕ

Патăрьел тăрăхĕнчи хуçалăхсене пăрлă çумăр шар кăтартни пирки нумаях пулмасть çырнăччĕ хамăр хаçатра. Çĕртме уйăхĕн 26-мĕшĕнче çак район ялĕсене каллех тĕттĕм кăвак пĕлĕт хупласа илнĕ.

25 Çĕртме, 2016

Акатуйра вăйă картине тăчĕç

Пĕтĕм чăвашсен Акатуйне иртнĕ çулсенче «Шупашкар: 500 çул» паркра йĕркелекенччĕ. Правительство хăйĕн хÿттине илнĕренпе Хĕрлĕ тÿремре иртет вăл.

Кăнтăрла çитиччен пултарулăх ушкăнĕсем вăйă картине тăчĕç. Чуна тыткăнлакан юрă-кĕвĕ Атăл çийĕн вĕçсе таврана сарăлчĕ.

Pages