Ирина Никитина

10 Чÿк, 2016

Ĕмĕтре - Çурçĕр пăланĕ, тĕве тата лама

Унăн кил картишĕ кăна мар, пахчи те кайăк-кĕшĕк пасарне аса илтерет. Мĕн тĕрлĕ сасă кăна илтместĕн. Акă Африкăпа Австрали страусĕсем хăйсен чĕлхипе янăрашаççĕ. Ют çын умĕнче аçи ташласа кăна тăрать: те хуçине вăрçать, те савăнать. Эму кӳлепипе ытти страуспа танлашаймасть, анчах вăл та хăйнеевĕрлĕ. "Инди чупавçисем" тесе ахальтен палăртман кăвакалсен çĕнĕ ăратне. Этем пек хырăмне каçăртса çӳреççĕ, чупнă чух вĕсене хăваласа çитеймĕн. Ытти йышши илемлĕ кайăк-кĕшĕкпе чăх-чĕп, выльăх пирки калама та кирлĕ мар. Вуншар тĕрлĕ вĕсем.

Хресчен сасси
Ял хуçалăхĕ
хушма хуçалăх
27 Юпа, 2016

Пуян тухăçпа савăнтарнă

"Куккуруса вырса кăна ĕлкĕр, вăррине туянакана шырамалла мар, илес текенсем малтанах саккас панă", — палăртрĕ Сĕнтĕрвăрри районĕнчи Октябрьскинче тăрăшакан Михаил Тагеев фермер. Выльăхшăн питĕ паха апат шутланакан культурăна паянхи кун тĕлне хуçалăхра вырса пĕтернĕ ĕнтĕ. 100 гектар çинче çитĕннĕскер пуян тухăçпа савăнтарнă — гектартан вăтамран 60 центнер пуçтарса илнĕ.

Юлашки çулсенче районта куккуруса вăрлăхлăх акса ÿстерекен пулман. Шуршăл хуçалăхĕнче кăна ăна силос валли вырнă. Çавăнпа Михаил Тагеев фермер манăçнă ĕçе кăçал çĕнĕрен "чĕртсе" янă.

Хресчен сасси
Ял хуçалăхĕ
Пурнăç таппи
13 Юпа, 2016

Ырă туни ырăпа таврăнать

Ыттисенчен палăрмаллах уйрăлса тăракан çын ял-йыша калаçтаратех. Канаш районĕнчи Кĕлтеçулĕнче пурăнакан Козловсен çемйине вăтăр çул хушшинче хăнăхмалла пек, анчах хăшĕ-пĕри вĕсене пурпĕр ăнланса çитеймест.

Хресчен сасси
Пулса иртни
Çемье
6 Юпа, 2016

Хĕнпе хĕрсе туптаннă кун-çул

"Выçăпа вилесрен килте шĕшкĕ кăчкинчен пашалу пĕçеретчĕç", — тет Тăван çĕршывăн Аслă вăрçи пуçланнă чух 9 çулта пулнă Михаил Иванович Семенов. Канаш районĕнчи Çĕнĕ Шелттемре пурăнаканскер паян вăл 85-ре. Арăмĕ Ирина Кузьминична та 79 çула ура ярса пуснă. Мăшăрланнăранпа 57 çул пĕрле пурăнаççĕ вĕсем.

Хресчен сасси
Ял хуçалăхĕ
Аптраман тавраш
6 Юпа, 2016

Çын тума пултарайман ĕç çук

Канаш районĕнчи Уçырмари Аксарин урамне ахальтен лекмен Ирина Александровна Андреева. Кунта вăл çывăхри Çăлпуç /вырăсла Аксарино\ ялĕнчен качча килнĕ. Урам ятне вара çулĕ шăпах çак ял еннелле пăхнине кура панă иккен.

Хресчен сасси
Ял хуçалăхĕ
Маттур!

Pages