Ирина КОШКИНА

12 Кăрлач, 2017

Кузнецов йĕлтĕр сырнă, Семенова юбилейне паллă тунă

Тин çеç Çĕнĕ çула чăтăмсăррăн кĕтсе тус-тăвана мĕн пар­нелемелле-ши, уяв сĕтелĕ çине мĕн лартмалла-ши тесе лавкка тăрăх çÿрерĕмĕр. Сисмерĕмĕр те: 2017 çул чÿречерен шаккарĕ. Уяв хыççăнхи кану кунĕсем те хăвăрт шăвакан пĕлĕт евĕр часах иртрĕç. Аслисем ĕçе тухрĕç, ачасем шкула чупрĕç. Уява еплерех хатĕрленни, ăна мĕнле кĕтсе илни халĕ — асаилÿ çеç. Çав самантсем сăнÿкерчĕксенче те упранса юлнă. Чăваш эстрада çăлтăрĕсен Инстаграмри страницисене шĕкĕлчерĕм. Вĕсен пурнăçĕнче мĕн пулса иртни, Çĕнĕ çул хыççăнхи кану кунĕсене мĕнле ирттерни сире те интереслентерет пуль-ха? Малалла вулас...

29 Раштав, 2016

«Çамрăксен хаçачĕн» йĕкĕчĕ - Дмитрий Лаврентьев

Чылайăшĕ кĕтнĕ асамлă та савăк уяв çывхарать. Çĕнĕ çула кĕриччен эпир, кăларăм ĕçченĕсем, çулталăк пуçламăшĕнче йĕркеленĕ «Çамрăксен хаçачĕн» йĕкĕчĕ» фотоконкурса пĕтĕмлетрĕмĕр. Астăватăр пулĕ: чылай номерте яшсен сăнÿкерчĕкĕсене пичетлерĕмĕр. Ун хыççăн вĕсене «Контактра» соцсетьри ушкăнра вырнаçтартăмăр, эсир вĕсемшĕн «лайк» лартса сасăларăр. Çулталăк сисĕнмесĕр иртрĕ. Çак тапхăрта чылай яшăн пурнăçĕ тĕпрен улшăннă. Пĕрисем çемье çавăрнă, теприсем диплом илсе ĕçе вырнаçнă. Конкурсра çĕнтернĕ Дмитрий Лаврентьев вара салтак аттине тăхăннă. Унпа тĕплĕнрех паллашар-ха. Малалла вулас...

29 Раштав, 2016

Вĕсене çÿл тÿпере те кĕтнĕ пулĕ...

Çулталăк вĕçлениччен нумай юлмарĕ. Кашниех уява чăтăмсăррăн кĕтет. Сирири пирĕн çар çыннисем те, хăрушă вăрçă пынине пăхмасăр, Çĕнĕ çула савăнăçлăн кĕтсе илме тивĕç. Вĕсем раштавăн 25-мĕшĕнче Мускавран килме тухнă самолета кĕтнĕ. Анчах вăл палăртнă вырăна çитеймен… ТУ-154 самолетра 92 çын, çав шутра экипажăн 8 членĕ, массăллă информаци хатĕрĕсен 9 ĕçченĕ, пулнă. А.В.Александров ячĕллĕ юрăпа ташă ансамблĕн артисчĕсем Çĕнĕ çул умĕн Сирири çар çыннисене концертпа савăнтарма тĕллевленнĕ. Çак самолета Елизавета Глинка /халăхра ăна «Лиза тухтăр» тенĕ/ та ларнă.

29 Раштав, 2016

Юрла, чăваш!

Юрла, чăваш! Шăпах çак ятпа иртрĕ Анатолий Никитин композиторăн юррисене шăрантаракан çамрăк юрăçсен пĕрремĕш телекурав конкурсĕ. 3 уйăха тăсăлнă тупăшу хĕрÿ пулчĕ. Иртнĕ вырсарникун вара Шупашкарти «Салют» культура керменĕнче конкурс финалне пухăнчĕç. Çамрăксем уйăхĕ-уйăхĕпе мĕнлерех хатĕрленнине куракансем хакларĕç. Концерта килейменнисем вара ăна ЮТВ телеканалпа курайĕç.

Кунашкал конкурс пуласса ЮТВ телеканал та, «Çамрăксен хаçачĕ» те хыпарланăччĕ. Тупăшăва 16-25 çулсенчи хĕрсемпе каччăсем хутшăннă. Малтанах конкурсçăсем хăйсене килĕшекен юрра шăрантарнă. Йĕркелÿçĕсем вĕсен сассине тĕрĕсленĕ, çамрăксем хăйсене сцена çинче мĕнле тытнине хакланă. Ун хыççăн кашнин валли юрă суйланă, вĕсене «Янташ» студире çыртарнă.

Куракансем финалта республикăн тĕрлĕ кĕтесĕнчен çитнĕ çамрăксен пултарулăхĕпе паллашрĕç. Вĕсен илемлĕ сассипе килениччен жюри членĕсем сăмах илчĕç. Çамрăк юрăçсене музыка ăстисем, поэтсем, «Хыпар» Издательство çурчĕн директорĕн-тĕп редакторĕн тивĕçĕсене пурнăçлакан Дмитрий Моисеев хакларĕç, тĕрлĕ номинацире çĕнтерÿçĕсене палăртрĕç. «Чи çамрăк юрăç» номинацире темиçе çынна чысларĕç. Малалла вулас...

Ирина КОШКИНА.

Автор сăнÿкерчĕкĕ.

 

22 Раштав, 2016

Çил-тăманра та йĕлтĕрпе ярăннă

Иртнĕ эрнекун, раштав уйăхĕн 16-мĕшĕ, Раççей биатлонĕшĕн пысăк пулăмпа çырăнса юлчĕ. Чехири Нове-Место хулинче иртнĕ Тĕнче кубокĕн трансляцине ертсе пынă Дмитрий Губерниев та: «Чăваш Ен, эсир чĕрĕ-и? Ахăртнех, мачча таран сикетĕр!» — тесен биатлонистсемшĕн «чирлекен» чăвашсем чунран савăнчĕç пулĕ. Ара, пирĕн ентеш Татьяна Акимова спринтра пĕрремĕш вырăна тухса халăха тĕлĕнтерчĕ. Иртнĕ сезонра Пĕтĕм тĕнчери биатлонистсен пĕрлĕхĕ ăна «Çулталăкри çĕнĕ çын» тесе палăртнă. Тĕнче класлă спорт мастерĕ ку ята хальхи сезонра та çирĕплетрĕ, пьедестал çине тăрса чи пысăк наградăна тивĕçрĕ. Тепĕр кунхине Татьянăн пухмачĕ «бронзăпа» пуянланчĕ. «Ку эрне маншăн чи телейли пулчĕ», — савăнăçне пытармасăр калаçрĕ пирĕн ентеш «Матч ТВ» корреспонденчĕпе. Малалла вулас...

Pages