Шупашкарта çуралса ÿснĕ Димăпа Женя Ивановсене ача чухнехи сăн ÿкерчĕксенче пĕр-пĕринчен уйăраймăн: сăнĕ те, тумтирĕ те пĕрешкел. Йĕкĕреше тус-юлташĕ, вĕрентекенсем кăна мар, тепĕр чухне çывăх çыннисем те арпаштарнă. «Пире тÿрех икĕ ятпа чĕнĕр», — сĕннĕ арçын ачасем шÿтлесе.
Раççей Конституцийĕнче волонтерсене тата комерциллĕ мар организацисене пырса тивекен тӳрлетӳ кĕртесшĕн. Çакă вĕсене шаннине палăртать. Ырă кăмăллăхçăсен ĕçĕ пысăк пĕлтерĕшлĕ. Тĕнче, çĕршыв шайĕнчи мероприятисем вĕсемсĕр иртмеççĕ. Волонтерсем тĕрлĕ тытăмра тăрăшаççĕ, йывăр лару-тăрăва лекнисене алă параççĕ.
Çу уйăхĕн 11-мĕшĕнче РФ Президенчĕ Владимир Путин регионсен пуçлăхĕсемпе видеоконференци мелĕпе санитари-эпидемиологи лару-тăрăвне сӳтсе явнă. Владимир Владимирович иртнинче хамăр тĕллĕн килте лармалли режим çу уйăхĕн 12-мĕшĕччен тăсăлассине, çак вăхăталла регионсен ку режимран тухмалли план хатĕрлемеллине каланăччĕ.
Нумаях пулмасть Росмолодежь çамрăксен проекчĕсен Пĕтĕм Раççейри конкурсне пĕтĕмлетнĕ. И.Н.Ульянов ячĕллĕ Чăваш патшалăх университетĕнче ăс пухакан 24 студент гранта тивĕçнĕ, пурĕ — 5 млн та 880 пин тенкĕлĕх.
Салтака каймашкăн ят тухсан Михаил Магазеев çар комиссариатне шурă тăлапа тата çăпатапа çитнĕ. Унашкал çамрăк текех курăнман. «Ыран пушмакпа килнĕ пултăр», — хытарса ăсатнă 17-ри йĕкĕте. Каччă куншăн намăсланнă.
Шупашкар районĕнчи Шуркасси ялĕнчи Зинаида Тимкова çу уйăхĕн 9-мĕшĕнче куккăшĕ Австрирен 1945 çулта посылкăпа ярса панă тутăра çыхрĕ. Вăл ăна 75 çул типтерлĕ упрать.
Наталия Попова ыттисенчен нимĕнпе те уйрăлса тăмасть. Вăл — юратнă мăшăр, икĕ ывăл амăшĕ. Хăй килĕштерекен ĕçре тăрăшать, пурнăçпа киленет. Анчах хăлхи илтменнине пула унăн чылай йывăрлăха парăнтарма тивнĕ.
Чăвашла верси
Русская версия
