Archive - Aug 2018 - Хресчен сасси

август 8th

Шупашкар районĕнчи Хорнсор ялĕнче пурăнакан Константин Плотниковăн та шăпи Алексей Андреевăнни евĕрех: çĕр çинче ĕçлесех тулли телейлĕ пулма май пуррине вăл пĕчĕклех ăнланса илнĕ. Ашшĕ пекех Чăваш патшалăх ял хуçалăх академийĕнче агронома вĕреннĕ.

Валентин ГРИГОРЬЕВ.

Шăрăх çанталăк тăнă май республикăра пушарсен хисепĕ ÿсрĕ. Канмалли кунсенче Çĕрпÿ районĕнче çÿп-çап полигонĕ çунма пуçланă. ЧР граждан оборонипе чрезвычайлă лару-тăру патшалăх комитечĕн председателĕ Вениамин Петров каланă тăрăх, пушар пирки вăхăтра пĕлтернĕрен кăна вут-çулăма сарăлма паман, инкеке сирсе янă. Çапах çак вырăна специалистсем куçран вĕçертмеççĕ, сăнасах тăраççĕ.

Лариса НИКИТИНА хатĕрленĕ. Çĕрпÿ районĕнчи Патăрьел тăрăхĕнчи çÿп-çап контейнерĕ.

Тăван чĕлхешĕн чунăм ыратать. Паян ял ачисем те вырăсла калаçаççĕ. Ашшĕ-амăшĕ хăй вĕрентет вĕсене. Кÿме тĕксе пыракан амăшĕ пĕчĕк ывăлĕ-хĕрĕпе вырăсла калаçать.

Чăваш Енре пурăш барсук , тилĕ, енот йытти мĕн чухлĕ?
Кăçалхи çу уйăхĕнче вĕсен хисепне те шутланă. «Тилĕ — 2484, пурăш — 258, енот йытти — 37, — пĕтĕмлетнĕ асăннă министерствăра. — Республикăн Министрсен Кабинечĕн 2016 çулхи йышăнăвĕпе пурăша тытма чарнă хыççăн хисепĕ 2017 çулхинчен 20,9% хушăннă. Ăна та 2019 çулхи утă уйăхĕн 14-мĕшĕччен тытма юрамасть».

август 1st

Муркаш районĕнче пурăнакан арçын тĕлĕшпе саккунсăр майпа пулă тытнăшăн приговор çирĕплетнĕ.
Муркаш районĕнчи 2-мĕш суд участокĕн миравай судйи асăннă районти Шомик ялĕнче пурăнакан 52 çулти арçын тĕлĕшпе уголовлă ĕç пуçарнă. Ăна РФ УК 256 статйин 1-мĕш пайĕн «б», «в» пункчĕсемпе айăплаççĕ. Вăл 2018 çулхи ака уйăхĕн 27-мĕшĕнче Атăлта сĕрекепе усă курса саккунсăр майпа пулă тытнă. Патшалăха 1462 тенкĕлĕх тăкак кÿнĕ.
Суд «ăнăçсăр» пулăçа 6 уйăхлăха ĕçлесе юсанмалла тунă, çийĕнчен ĕç укçин 10 процентне тытса юлĕç.

Валентина МАКСИМОВА хатĕрленĕ.

Ун чухне 1988 çулхи кĕркунн ен юлашки кунĕсемччĕ . Çулçăсем йывăçсем çинчен ÿксе пĕтнĕпе пĕрехчĕ. Колхоз саланма ĕлкĕреймен. Сухаламан, акман, усă курман пĕр лаптăк çĕр те пулман вăл вăхăтра.
Пирĕн черетлĕ касу. Айлăмсенче курăк пĕтнĕ. Ял халăхĕ вăл вăхăтра ĕне выльăха вăрмана та кĕртсе кăларнă. Уншăн вăрçнине е айăпланине астумастăп. Ĕне выльăх тытман çын та пулман ун чухне. Кăнтăрла иртсен эпир те вăрманалла çул тытрăмăр.

Елена ФОМИНА. Тăвай районĕ, Нÿшкасси ялĕ.

«Трак шкулĕ халĕ те манăн асăмран каймасть, — тет Васнар ялĕнче çуралса ÿснĕ Акулина Прокопьева. — Валентина Ивановна завуча паян та манаймастăп. Эпĕ темшĕн черчени предметне кăмăллаттăм. Каярахпа вара çĕвĕç профессине килĕштертĕм».

Татьяна БОРИСОВА. Красноармейски районĕ.

Pages