Сĕрекепе тытнăшăн

Муркаш районĕнче пурăнакан арçын тĕлĕшпе саккунсăр майпа пулă тытнăшăн приговор çирĕплетнĕ.
Муркаш районĕнчи 2-мĕш суд участокĕн миравай судйи асăннă районти Шомик ялĕнче пурăнакан 52 çулти арçын тĕлĕшпе уголовлă ĕç пуçарнă. Ăна РФ УК 256 статйин 1-мĕш пайĕн «б», «в» пункчĕсемпе айăплаççĕ. Вăл 2018 çулхи ака уйăхĕн 27-мĕшĕнче Атăлта сĕрекепе усă курса саккунсăр майпа пулă тытнă. Патшалăха 1462 тенкĕлĕх тăкак кÿнĕ.
Суд «ăнăçсăр» пулăçа 6 уйăхлăха ĕçлесе юсанмалла тунă, çийĕнчен ĕç укçин 10 процентне тытса юлĕç.