Archive - 8 Ака, 2015 - Хресчен сасси

Тапăртатса тăрать тур лаши

Каска кăмпи килтех

Ашшĕ-амăшĕн пилĕпе

Ӳркенмесен çур миллион - кĕсьере

«Тĕлĕкре кашни каç киле таврăнатăп...»

Çамрăк, анчах...

Халь-халь тапса сикес пек тапăртатса тăракан урхамаха йĕвенрен иккĕн тытнă. Çамрăкскерне кÿлме ансат мар. Йĕвен, турта, урапа, тилхепе - урхамахшăн ют-ха. Темиçе уйăхран вăл ăмăртусене хутшăнма тытăнассине ĕненме те йывăр.

Лашапа та пĕр чĕлхе тупмалла

Хĕлле те каска кăмпи çитĕннине курнă-и? Муркаш районĕнчи «АГРИКО» пĕрлешӳре вăл çулталăкĕпех ашкăрса ӳсет. Вăрманта шыраса çӳресе вăхăта ирттермелле мар. Алă айĕнчех, татма кăна ан ӳркен.

Канаш районĕнчи Аслăялта Григорьевсем яланах ĕçченлĕхпе палăрса тăнă. Çемьере ача-пăчана та пĕчĕкренех ĕçе явăçтарнă. Картиш тулли выльăх-чĕрлĕх усранă май урам тăрăх йытă хăваласа чупаймăн çав.

"Манăн килтен урама кăларса тăкмалли çӳп-çап тухмасть, - тет Патăрьел районĕнчи Çĕнĕ Ахпӳрт ял тăрăхĕн пуçлăхĕ Валентин Петрович Тукмаков. - Тимĕр-тăмăра ятарласа пуçтарса çӳрекенсене парса яратăп. Пластик савăта çунтаратăп, ытти йышши кĕленчене вататăп та раствор çăрнă чухне строительствăра усă куратăп. Килтех тирпейлеме май пур чухне мĕншĕн мĕнпур çӳп-çапа урама тăкмалла?"

Елчĕк районĕнчи Аслă Елчĕкри Иван Филимонович Филимонов 1913 çулта çуралнă. Тăван çĕршывăн Аслă вăрçин малтанхи кунĕсенчех фронта кайнă. Темиçе хутчен те вутлă çапăçусене хутшăннă. Юнлă вăрçă хирĕнчен янă çырусем паян Елчĕкри историпе тăван тавралăх музейĕнче упранаççĕ. Вĕсене вăл савнă мăшăрĕ Вера Митрофановна ячĕпе çырнă.

Иван Филимонов фронтран таврăнайман. Вăл 1944 çулхи сентябрĕн 9-мĕшĕнче вилнĕ. Ăна Мурманск облаçĕнче пытарнă. Унăн хăш-пĕр çырăвĕпе вулакансене паллаштаратпăр:

1941 çулхи августăн 21-мĕшĕ.

Виçĕ тусăн пĕр шухăш тенĕ. Ют пурлăха хапсăнни, алла ирĕке яма юратни виçĕ çамрăка пĕр чĕлхе тупма пулăшнă та.