Чăваш Республикин Министрсен Кабинечĕн Председателĕ Иван Моторин «Хыпар» хаçата пуçласа интервью пачĕ. Агропромышленноç комплексĕн çăлăнăçĕ мĕнре, пая кĕрсе çурт çавăракансен ыйтăвĕсене мĕнле татса параççĕ, хĕвел модулĕсем туса кăларакан завода хăçан хута ярĕç, вĕренÿпе культура - çаксем тата ытти çинчен малалла вулăр.
РФ «Раççей Федерацийĕн прокуратури çинчен» саккунĕн 51 статйипе килĕшÿллĕн кăçалхи кăрлачăн 1-мĕшĕнчен РФ Генеральнăй прокуратурине прокуратура органĕсенчи отчетлăхпа пĕрлех патшалăхăн пĕрлехи право статистикине тытса пымалли тивĕçе те шанса панă. Çав шутра - преступленисем пирки пĕлтернисене, преступлени тăвассин лару-тăрăвĕн, вĕсене уçса парассин, следстви ĕçĕн тата прокурор надзорĕн кăтартăвĕсене шута илсе пырасси.
Республикăри вĕренÿ тытăмĕн 9 уйăхри аталанăвĕ пирки коллегире уççăн калаçас тени ăнсăртран мар: бюджета йышăннă чухне шăпах ведомствăн çак тапхăрĕнчи ĕç-хĕлне пăхса тухаççĕ. Пĕтĕмлетÿсем тума вĕренÿ çулĕ пуçланнăранпа хатĕрлесе çитернĕ документсем те май параççĕ. Чÿк уйăхĕн 19-мĕшĕнче ЧР Вĕренÿ министерстви коллегин анлă ларăвне ирттерчĕ, унта республика Пуçлăхĕ Михаил Игнатьев та хутшăнчĕ.
Тăвай енре - вунă ял тăрăхĕ, 16011 çын пурăнать. Ентешсенчен ытларахăшĕ çĕр ĕçĕнче тата выльăх-чĕрлĕх пăхнă çĕрте ырă тĕслĕх кăтартать. Кăçал ял хуçалăх кооперативĕсемпе предприятийĕсем 16,7 пин тонна тырă, 3,2 пин тонна çĕр улми пухса кĕртнĕ. Пĕрчĕллĕ тата пăрçа йышши культурăсем кашни гектартан вăтамран - 15,6, çĕр улми 115,9 центнер тухăç панă. Кĕрхисене 2810 гектар акса хăварнă, 3910 гектар çĕртме тунă.
Ярославль облаçĕнчи Рыбинск хулинче кире пуканĕ йăтассипе Раççейри студентсен чемпионачĕ иртнĕ. Помост çине 31 аслă шкулти 200 ытла атлет тухнă. Малти виçĕ вырăна Омскри физкультура, Томскри патшалăх тата Рыбинскри авиаципе технологи университечĕсен командисем йышăннă. Тăваттăмĕш вырăнта - Чăваш патшалăх ял хуçалăх академийĕн студенчĕсем.
Прокуратура тата право хуралĕн органĕсем çулталăк пуçланнăранпа коррупципе кĕрешес енĕпе ĕçленине пĕтĕмлетнĕ те - хăшĕ-пĕри мундир чысĕшĕн çунманни куç кĕрет. Кăçал право хуралĕн органĕсен сотрудникĕсем преступлени туни çинчен 62 пĕлтерÿ пулнă. Вĕсене тишкерсе 9 çын пирки 68 уголовлă ĕç пуçарнă.
Чÿк уйăхĕн 18-мĕшĕнче Мускавра Чăваш Ен Пуçлăхĕ Михаил Игнатьев Раççейри Промышленниксемпе предпринимательсен пĕрлĕхĕн /РСПП/ Транспорт тата транспорт инфратытăмĕ енĕпе ĕçлекен комиссийĕн анлă ларăвне хутшăннă. Унта Раççей Федерацийĕнче пысăк хăвăртлăхпа тата хăвăрт çÿрессине аталантарас ыйтăва пăхса тухнă.
Юлашки уйăхсенче ваккăн сутакан чăх çăмарти хакланни пирки пурте калаçаççĕ. «Хакне пирĕн ялти лавккара кăна хăпартнă-ши е республикипех ÿстернĕ-ши?» - кăсăкланаççĕ çынсем.
Потребительсем туянакан çăмарта хакĕ мĕнлерех улшăннине пĕлме малтан Чăвашстатăн 2012 çулхи пĕтĕмлетĕвĕпе паллашар-ха. Вунă çăмартана кăрлач уйăхĕнче вăтамран - 40 тенкĕлле, нарăсра - 39, пушпа акара - 43-шер, çу уйăхĕнче - 31, çĕртмере - 29, утă уйăхĕнче 28 тенкĕлле туяннă. Продукци çу варричченех йÿнелнĕ. Çурла уйăхĕнчен хакланма тытăннă: 29 тенкĕ. Юпа - 35, чÿк уйăхĕн 26-мĕшĕ - 36, раштав, 10 - 40 тенкĕ.
Чăвашла верси
Русская версия
Çирĕпленнĕ каларăша тĕпе хурсан - полицин участок уполномоченнăйне кашниех сăнран пĕлме тивĕç. Çынсем паллаççĕ-и ăна? Çакна уçăмлатас тата çак тытăмра вăй хуракансен кулленхи ĕçĕ-хĕлĕпе паллашас тĕллевпе полици ĕçченĕпе кун ирттерме шухăш тытрăм.
Çĕмĕрле районĕнчи Магарин ял тăрăхĕ ыттисенчен нимĕнпе те уйрăлса тăмасть. Шел, территорири ялсем пĕр-пĕринчен аяккарах вырнаçнă тата унта пурăнакансен йышĕ сахал.
