Archive - 20 Çу, 2016 - Хыпар

Республикăн чи пысăк вĕренÿ заведенийĕ — И.Н.Ульянов ячĕллĕ Чăваш патшалăх университечĕ — аталану тĕлĕшĕпе çултан-çул çĕнĕ ÿсĕмсем тăвать. 16 факультета, виçĕ филиала пĕрлештерекен аслă шкул 15 пин студента, 1 пин ытла преподавательпе сотруднике пĕр тĕвĕре тытать.

Суд умне харăсах вуннăн тăрĕç. Следстви комитечĕн республикăри управленийĕн уйрăмах пĕлтерĕшлĕ ĕçсене тĕпчекен 2-мĕш пайĕ тĕпчесе пĕтернĕ уголовлă ĕçпе вĕсене саккуна пăсса астармăш вăйăсем йĕркеленĕшĕн, каварлашнă ушкăнпа уйрăмах пысăк виçепе услам илнĕшĕн айăплаççĕ.

Çак калаçăва пуçарма нумаях пулмасть тĕп хулари «Çĕнĕ вăхăт» издательствăра кун çути курнă «Вăйăра» кĕнеке хистерĕ. Ытти кăларăмран уйрăларах тăрать вăл. Унта чăвашсен вăйă ташшипе паллаштарнă. Ташă та, тĕрĕ те, юрă та, сăмах пекех — халăх пултарулăхĕн иксĕлми пайĕ.

«Хушнинчен пĕр чĕптĕм те ытларах ĕçлемен çын пурнăçра нихăçан та çитĕнÿсем тăваймасть», — тенĕ Америкăн паллă бизнесменĕ Эндрю Карнеги.