Archive - Раштав 2014 - Хыпар

декабрь 25th

25 Раштав, 2014

Президент палăртни пурнăçланĕ

ЧР Министрсен Кабинечĕн Председателĕ Иван Моторин ĕнер республика Правительствин ларăвне ирттернĕ. Кун йĕркинчи ыйтусене тишкерме пуçлас умĕн вăл тĕп хулари пĕрремĕш клиника больницин тата пĕрремĕш гимнази ертÿçисене «Проект Олимпĕ» патшалăх секторĕнче проект ĕç-хĕлĕн професси управленийĕн çулленхи 1 конкурсне хутшăннăшăн Раççей Правительстви çумĕнчи Анализ центрĕн Тавне панă.

25 Раштав, 2014

Çырура сан сĕнĕвÿ те пултăр

Чăваш Ен Пуçлăхĕн Михаил Игнатьевăн республикăн Патшалăх Канашне çуллен яракан Çырăвне хатĕрлес ĕç малалла пырать. Йăлана кĕнĕ тăрăх ку документа хатĕрлеме общество организацийĕсемпе граждансем те хутшăнаççĕ: вĕсенчен сĕнÿ нумай килет.

Çак сĕнÿсенче çемье пахалăхĕсене çирĕплетессипе, çамрăксене çĕршывăн чăн-чăн гражданинĕ пулма тата çынна юратма хăнăхтарассипе çыхăннă темăсене тăтăшах хускатаççĕ.

25 Раштав, 2014

«Парнелер ачасене асамлăх»

Çак ятпа Куславкка районĕнче ыркăмăллăх акцийĕ иртнĕ. Ăна «Пĕрлĕхлĕ Раççей» партипе «Çамрăк гварди» общество организацийĕн вырăнти уйрăмĕсем пуçарнă.

25 Раштав, 2014

Пĕтĕмпех малашлăхра

Пĕтĕм çĕршывĕпе ирттернĕ Культура çулталăкĕ Вăрнар район халăхĕн кулленхи пурнăçне те савăклатакан тĕрлĕ мероприяти-акцие, кану каçĕсемпе, уявсемпе тулли пулчĕ. Çапла пĕтĕмлетрĕç кунта Çулталăка официаллă йĕркепе «хупма» пухăнсан.

25 Раштав, 2014

Хутшăнусем анлăланĕç

Раççей Президенчĕн федерацин Атăлçи округĕнчи /ФАО/ полномочиллĕ представителĕн заместителĕ Алексей Суховпа Китай Халăх Республикин ют çĕршыв ĕçĕсен министрĕ Чэн Гопин ертсе пынипе декабрĕн 22-мĕшĕнче Ульяновск хулинче ФАО регионĕсемпе Китайри Янцзы юханшывăн тури тата вăтам тăрăхĕнчи провинцийĕсен пĕрлехи ĕç ушкăнĕсен çумпредседателĕсен тĕлпулăвĕ иртнĕ.

25 Раштав, 2014

Хаксене ÿстерни камшăн усăллă?

Пурте çителĕклĕ, выçă лармăпăр

Иртнĕ эрнере хăшĕ-пĕриншĕн тĕнче пĕтсе килессĕнех туйăнчĕ: долларпа евро тăруках хăпарчĕç. Халăх банксемпе банкоматсен умĕнчен, лавккасенчен татăлмарĕ - кĕмĕле усăллă вырнаçтарма тăрăшрĕ. Ытти чухне, çулталăк вĕçленнĕ май, тавар ытларах сутасчĕ тесе суту-илÿ предприятийĕсем хаксене чакаратчĕç. Çывăх пĕлĕшĕм пĕрер михĕ сахăрпа çăнăх туянатчĕ те тепĕр çулччен шик шăхăрса пурăнатчĕ. Кăçал вара пуяс ĕмĕтлисем шăв-шав çĕклесе кĕсйисене хулăнлатма шухăшларĕç.

25 Раштав, 2014

«Хыпарçăсем», мĕншĕн суятăр?»

Çапла намăслантарчĕ сĕт сутакан

Редакцие Çĕрпÿ районĕнчи Тавăшкасси ял тăрăхĕнчи килти хуçалăхра ĕне усракан телефонпа шăнкăравларĕ. "Декабрĕн 12-мĕшĕ тĕлне пирĕн ялсенчен кашни литр сĕте 18-19 тенкĕлле йышăннă тесе "Хыпарта" пĕлтертĕр. Мĕншĕн суятăр? Пирĕн тăрăхра çав кун тĕлне 17 тенкĕлле çеç йышăннă", - терĕ вăл.

Pages