Archive - 24 Çурла, 2018

24 Çурла, 2018

«Тăван Атăл» журнала Америкăра та вулаççĕ-и?

Çапла ыйтма-калама сăлтав та пур – Интернетри «Пĕр класрисем» /«Одноклассники»/ тытăмра, чăн та, Шупашкарта уйăхсерен чăвашла тухса тăракан пĕртен-пĕр литература журналне аллине тытнă Дональд Трамп сăн ÿкерчĕкĕ пур иккен. Эй, Турăçăм, çак япала вун-вун çынна кăна мар, пин ытларахăшне килĕшнине кăтартни те пур.

24 Çурла, 2018

Ылхан

Аслă Ялăн аслă çулĕпе васкамасăр утакан Ульха хăйне хирĕç килен Маруçа курсан карта хĕррипе выртакан сукмак еннелле пăрăнчĕ. Ара, вăтам пÿллĕ, тăпăл-тăпăл кĕлеткеллĕ, пуçне чечеклĕ шур тутăр çыхнă хĕрарăмпа пĕрре те калаçасси килмерĕ унăн, анчах та Маруç Ульхана аллипе сулса тăхтама ыйтрĕ. Ырă мара сиссе чĕри темле чĕпĕтсе ыратса илчĕ пулсан та, Ульха Маруç кăмăлне çырлахтарчĕ, ун патнелле утрĕ. Пĕр-пĕрин патне çитнĕ икĕ хĕрарăм тăп чарăнса тăчĕ. Пĕр вăхăт пĕр-пĕрне куçран куç шăтарасла тинкерсе шăп тăчĕ. Кашни хăйĕн шухăшĕпе ейленчĕ.

24 Çурла, 2018

Кашкăрсем

Хĕл кăçал хаяр пулчĕ. Пĕтĕм чĕр чун ăшă вырăнсене пытанса пĕтнĕ. Вăрçă хыççăнхи хĕлсем питĕ сивĕ пулчĕç çав, выçлăх аптăратрĕ, пурнăç йывăрланчĕ. Çапах та халăх шанăçа çухатмарĕ, пĕтĕм йывăрлăха тÿссе ирттернĕ хыççăн пурнăç юсанасса, çĕршыв ура çине тăрасса, инкек-синкек сахалланасса ĕненчĕ.

24 Çурла, 2018

«Карпеев хывнă çула аслăлатса пырăпăр»

Илтнĕччĕ-ха икĕ-виçĕ çул каялла Комсомольскинчи райпо канашĕн председателĕпе район администрацийĕн пуçлăхĕ хушшинче «хура кушак» чупса иртнине. Кăштахран сарафанлă радио урăхларах та кукăртса пĕлтерчĕ — «э-э, кушак мĕн вăл, кунта хура «бульдог» хăрлатать». Мĕн пайлайман?

24 Çурла, 2018

Пĕтĕмпех ĕлкĕрес тесен чупса ĕçлеме тивет

Пытарма кирлĕ мар: хăш-пĕр ялта çынсем староста пуррипе çуккине те пĕлмеççĕ. Пĕр-пĕр ыйту сиксе тухсан кам патне каймалла? Çавăнпа йĕрке пур çĕрте те кирлех. Ял старостин шăпах та халăха канăç паман ыйтусен хуравне тупма пултармалла.

24 Çурла, 2018

Колхозсем çапла йĕркеленнĕ

Хресченсем пĕрлешсе ĕçлес юхăм 1927 çулхи раштав уйăхĕнче иртнĕ ВКП/б/ XV съезчĕ пуличчен (историе вăл «коллективизаци съезчĕ» ятпа кĕрсе юлнă) чылай çул маларах вăй илнĕ. Пысăках мар ушкăнсене тĕрлĕ ят панă: артель, коммуна, юлташлăх.

Килĕшменнисене тăшманпа танлаштарнă

Pages