Archive - 3 Ака, 2015

Республикăри ялхуçалăх организацийĕсенче пĕрчĕллĕ тата пăрçа йышши культурăсен вăрлăхне 50 тоннăна яхăн хатĕрленĕ /кирлин 105%/. Вунтăватă районта вăл 100% ытларах. Тасатса кондицие çитерни хальлĕхе - 42,6 пин тонна /85%/. Çĕрпÿ, Вăрнар, Вăрмар районĕсенче ĕçе лайăх йĕркеленĕ - 95% тасатса кондицие лартнă, çав вăхăтрах Улатăрсен 59% çеç.

"Хыпар" ыйтăвĕсене ЧР строительство, архитектура тата çурт-йĕрпе коммуналлă хуçалăх министрĕ Олег МАРКОВ хуравлать.

- Нумай хваттерлĕ çурта тĕпрен юсама мĕншĕн укçа пухма тытăнчĕç?

Чăвашстат ертÿçин çумĕ Людмила Егорова массăллă информаци хатĕрĕсен журналисчĕсем валли ирттернĕ пресс-конференцире сÿтсе явнă тĕп ыйту - халăхăн 2015 çулхи социаллă-демографи тĕпчевне /микроçырава/ ирттерме хатĕрленесси.

Раççей Федерацийĕн Правительствин 2011 çулхи март уйăхĕн 10-мĕшĕнчи 367-р хушăвĕпе килĕшÿллĕн микроçырав общество мероприятийĕ шутланать тата ăна РФ субъекчĕсенче пуринче те йĕркелеççĕ.

«Муркашри чăх-чĕп фабрики» АУО хапхи патĕнче тĕрлĕ çĕртен килнĕ çын пайтах. Чăваш Енрен кăна мар, ытти регионтан та. «Мĕн çăмăлпа çÿретĕр?» - ыйтатăп водительсенчен. «Чăх туянма килтĕмĕр, - теççĕ. - Паллах, çăмарта та илетпĕр. Вăл ку фабрикăн питĕ тутлă».

Хамăра та çитет, ыттисене те

Хĕрлĕ Чутайри ял тăрăхĕсен пĕрлехи вулавăшĕнче районта çуралса ÿснĕ тата халĕ пурăнакан çыравçăсемпе тĕлпулу иртрĕ.

Чылай паллă çыравçă кун çути курнă ку тăрăхра, Петĕр Ялкир, Розин Ярандай, Александрпа Яков Угольниковсем, Иван Лисаев, Александр Трофимов кĕнекисене халăх юратса вулать. Петĕр Ялкир 1994 çулта «Хĕрлĕ Чутай çыравçисем» ятлă кĕнеке пичетлесе кăларнă. Ку кĕнекере вăл 35 писатель ятне асăнать.

2013 çулта пĕтĕм Раççей диспансеризацийĕн программине хута янă. Унпа килĕшÿллĕн 21 çултан кĕçĕн мар кирек хăш çын, кăмăлĕ пулсан, хăйĕн сывлăхне тĕрĕслеттерме пултарать.

Çынсем хăйсен сывлăхĕпе интересленме кăмăлпах çÿреççĕ-и? Профилактика витĕмĕ пур-и? Диспансеризацишĕн чи явапли мĕншĕн участок терапевчĕ пулса тăрать? Çак тата ытти ыйтăва хуравлама ЧР Сывлăх сыхлавĕпе социаллă аталану министерствин профилактика медицинипе ĕçлекен тĕп специалистне Елена НАУМОВĂНА хамăрăн тĕпеле чĕнтĕмĕр.

Ăна чылай çул пĕлетĕп пулин те паянхи кун та хастарлăхĕнчен, канăçсăрлăхĕнчен, вашаватлăхĕнчен тĕлĕнме пăрахаймастăп. Тепри ун çулне çитсен - Николай Трофимов апрель уйăхĕн 20-мĕшĕнче 91 çул тултарать - тахçанах пурнăç илемне туйма пăрахмалла пек. Эпĕ каласа кăтартас çын вара - пачах урăхла: кашнинпех кăмăллă, тарават, ăшпиллĕ... Тен, çакă пĕтĕмпех хăй мĕн пĕчĕкрен терт-нушана çителĕклех астивнĕрен, тен, йăх-несĕлĕн ырăлăх вăрлăхĕ ытларах варăнса юлнăран...

Тимĕр купăс /варган/ тĕнчери нумай халăхăн пур. Саха /Якути/ Республикинче тĕнчери пĕтĕм халăхсен хомус /варган/ музейĕ те ĕçлет.