Archive - Чÿк 2014

Октябрь уйăхĕн вĕçĕнче "Хыпар" издательство çурчĕн пресс-центрĕнче Чăвашстат ертÿçи Эльвира Максимова республикăри массăллă информаци хатĕрĕсен журналисчĕсемпе тĕл пулчĕ, Чăваш Енĕн социаллă пурнăçĕпе экономика аталанăвĕн кăçалхи тăхăр уйăхри кăтартăвĕсемпе паллаштарчĕ. Эльвира Геннадьевна демографи, мăшăрлану, миграци лару-тăрăвĕ çинче чарăнса тăчĕ, çавăн пекех потребитель рынокĕнчи хаксемпе, тулаш суту-илÿ çаврăнăшĕпе, выльăх-чĕрлĕх йышĕпе çыхăннă темăна çутатрĕ, халăхăн 2015 çулхи микро тата Пĕтĕм Раççейри ял хуçалăхĕн 2016 çулхи çыравĕсен ыйтăвĕсене хускатрĕ.

/Екатерина Иосифовна Ефремова çуралнăранпа 100 çул çитнĕ май/

Дмитрий Егоров евĕрлĕ çынсене чăвашсем «ача-пăча кĕтÿçĕ» теççĕ. Вырăссен тата тăванла ытти халăхăн та çавна майлах ахăр, вĕсен паллă педагогĕсен йышĕнче - Я.Коменский, К.Ушинский, А.Макаренко, В.Сухомлинский...

Номерте:

о Чăваш Ен делегацийĕ Пĕтĕм Раççейри Халăх фрончĕн иккĕмĕш форумне хутшăннă.

о ЧР çутçанталăк ресурсĕсен министрĕ Иван Исаев тĕлĕшпе пуçарнă уголовлă ĕçе суда тишкерме панă.

о Судпа айăпланисем ирĕке кÿренсе тата усалланса ан таврăнччăр.

Ноябрĕн 17-18-мĕшĕсенче Мускавра Пĕтĕм Раççейри Халăх фрончĕн иккĕмĕш форумĕ ĕçлени çинчен «Хыпар» хаçатра пĕлтернĕччĕ.

Ноябрĕн 22-мĕшĕнче 14 сехетре Чăваш патшалăх гуманитари наукисен институчĕн ученăйсен канашĕн ларусен залĕнче /Шупашкар, Мускав проспекчĕ, 29, 1 корпус/ Махмуд Кашгарский ячĕллĕ Пĕтĕм тĕнчери калавсен 3-мĕш конкурсĕн /ăна Евроази Писательсен союзĕ ирттерет, штаб-хваттерĕ Турцире вырнаçнă/ чăваш тапхăрĕн çĕнтерÿçисене чыслаççĕ. Кăçал конкурса 14 патшалăхпа халăх представителĕсем хутшăннă.

Ноябрĕн 20-мĕшĕнче ЧР Министрсен Кабинечĕн Председателĕ Иван Моторин федерацин Атăлçи округĕнчи тата Китайри Янцзы шывĕн Тури тата Вăтам юхăмĕсен регионĕсем суту-илÿпе экономика тата гуманитари енĕпе çыхăну тытас енĕпе ĕçлекен пĕрлехи ушкăнăн Раççей пайĕн видеоконференци мелĕпе йĕркеленĕ канашлăвне хутшăннă. Ăна РФ Президенчĕн округри полпречĕн заместителĕ Алексей Сухов ертсе пынă.

Республика прокуратурин пресс-служби пĕлтернĕ тăрăх - ЧР прокурорĕн пĕрремĕш çумĕ Чăваш Енĕн çутçанталăк ресурсĕсен министрĕ Иван Исаев тата министерствăн пай пуçлăхĕ Геннадий Мусабиров тĕлĕшпе пуçарнă уголовлă ĕçпе айăплав пĕтĕмлетĕвне çирĕплетнĕ.

Постановление Кабинета Министров Чувашской Республики от 12 ноября 2014 года № 376 «Об утверждении отчета об исполнении республиканского бюджета Чувашской Республики за девять месяцев 2014 года».