Archive - 2013

декабрь 26th

Кашни çĕр-шыв Çĕнĕ çула тĕрлĕрен хатĕрленет, кĕтсе илет, уявлать. Тĕслĕхрен, Авалхи Вавилонта Çĕнĕ çула çуркунне уявланă. Тăван халăхĕ ирĕккĕн те уçăмлăн савăнса-култăр тесе Вавилон патши çумĕсемпе пĕрле вăхăтлăха хуларан тухса кайнă.

Микронези утравĕсенчен пĕринче пурăнакансем кăрлачăн 1-мĕшĕнче харпăр хăй валли çĕнĕ ят суйласа илме пултараççĕ. Ăна вĕсем усал-тĕсел илтесрен, çывăх çыннисене çеç пăшăлтатса пĕлтереççĕ.

декабрь 25th

Чăваш Республикин Патшалăх Канашĕн кăçалхи юлашки сессийĕн кун йĕркине çирĕплетиччен Юрий Попов спикер трибуна умне хăй вăхăтĕнче темиçе суйлавра халăх депутачĕн мандатне илнĕ, республика ертÿлĕхĕнче ĕçленĕ Александр Петрова чĕнсе кăларчĕ. Александр Петрович çак кунсенче 80 çул тултарнă. Юбиляра Юрий Алексеевич пурнăçри паллă пулăмпа ăшшăн саламларĕ, хаклă парнепе чысларĕ.

Ĕнер республика Пуçлăхĕ Михаил Игнатьев Шупашкар районĕнчи Ишлей ялĕнчи «ИЗВА» обществăра пулчĕ. Пысăк вольтлă аппаратура завочĕн çĕнĕ корпусне уçма хутшăнчĕ. Ăна нумаях пулмасть туса пĕтернĕ.

Паянхи çамрăка туя авалхи йĕркепе чăвашла ирттересси илĕртмест. «Çĕнĕ çынсем» туй кунĕнче кĕлете тахçанах хупăнмаççĕ ĕнтĕ. Уйрăм пÿлĕмре çĕр каçни те тивĕçтермест вĕсене. Пĕр-пĕрне савакансем пĕрремĕш каçа... хăна çуртĕнче ирттереççĕ.

Аш-какай комбинатне е предпринимателе сысна /чĕрĕ виçепе/ сутса укçа тăвакансене куллен шухăшлаттараканни - хак ыйтăвĕ.

2013 çулта вăл ял çыннине тарăхтарчĕ те, кулянтарчĕ те, мĕншĕн тесен 2012 çулхипе танлаштарсан чылай чакрĕ. Сысна самăртакансем Çĕнĕ çула мĕнле хакпа кĕтсе илеççĕ-ха?

Çуркунне Çĕрпÿ районĕнчи Паваркасси ялĕнчи хĕрарăмсем ăна пĕлтĕрхинчен йÿнĕрех хакпа туяннă коммерсантсене тарăхса калаçни халĕ те асрах. «Кăçал сысна çури хакĕ те ÿкрĕ», - терĕç вĕсем.

Красноармейски ялĕнче, «ТУС» акционер обществин строительство керамикин «КЕТРА» заводĕнче, республикăн Пурлăх тата çĕр хутшăнăвĕсен министерстви çумĕнчи Общество канашĕн ларăвĕ иртрĕ.

Кÿршĕ республикăран саккас йышăннă май Чул хулари тĕрлĕ уяв-шоу йĕркелекен фирмăра пулас мероприяти сценарине вĕсемсĕрех тĕплĕ хатĕрлени пирки шухăшлама та пултарайман.

ЧНК çумĕнчи «Чăвашлăх управçи» пĕрлешÿ «Чăваш хĕрарăмне мухтав» проектпа килĕшÿллĕн чăваш халăхĕн пултаруллă та маттур хĕрарăмĕсене час-часах чыслать. «Кăмăл» çемье ансамблĕ те ырă сăмаха тивĕçрĕ. Ăна мал ĕмĕтлĕ, пуян чун-чĕреллĕ Дина Кудряшова ертсе пырать.

РФ Президенчĕн В.Путинăн 2013 çулхи акан 22-мĕшĕнчи Указĕпе килĕшÿллĕн 2014 çул Раççейре Культура çулталăкĕ пулĕ. Чăваш Республикинче вăл кăрлачăн 25-мĕшĕнче Чăваш патшалăх оперăпа балет театрĕнче савăнăçлă лару-тăрура уçăлĕ.

Pages