Архив - Авг 2016 - Хыпар

Иван Мокин иккĕмĕш тĕнче вăрçинчен таврăнсан икĕ çултан хăй çуралса ÿснĕ Шупашкар районĕнчи Хачăкра лавккара ĕçлеме пуçланă. Çулĕсемпе вăтăр урлă каçнăскер суту-илÿ ĕçне çанă тавăрса тенĕ пек кÿлĕннĕ.

Çарта гварди кĕçĕн лейтенанчĕ пулнăскер, пакунĕсене хывсан пĕр хушă колхоз председателĕнче тăрăшнăскер саккуна пăсмасăр ĕçлессе шаннă. Шел, «ăçта ÿкессе пĕлменскер çемçе тÿшек сарма» тавçăрайман вăл.

Патăрьел районĕнчи Турханта çулсеренех иртекен Пĕтĕм тĕнчери пленэрта асра юлмалли яланах пулать. Кăçал, сăмахран, юбилейлĕ X пленэра пухăннă сăрă ăстисем хăйсен ĕçĕсенче чăваш хĕрарăмĕн илемне, сăпайлăхне кăтартнă.

Уявра хуламăр татах та илĕртÿллĕрех

Халăхсен съезчĕ туслăха çирĕплетĕ

Пинĕн пуснă кĕрепле çине тата пинĕн пусаççĕ

«Аист чĕппи» фестивале ватти-вĕтти хутшăнчĕ

Тăван тăрăха юратсан ĕçре ăнать

Йывăрлăхсене парăнманнисем çĕнтереççĕ

Чемпион кубокĕ – чемпионрах

«Çавра çил варринчи манăн кун»

Мускавра Лизăпа та курнăçнă

Вырсарникун тĕп хуламăр 547 çул тултарнине халалланă мероприятисем йышлă иртрĕç

Чăваш Енре республикăра пурăнакан халăхсен съезчĕ пуласси çинчен хаçатра пĕлтернĕччĕ. Вăл кăçалхи авăн уйăхĕн 10-мĕшĕнче иртĕ. Съездра халăхсен этнокультурине аталантармалли, вĕсен республикăн экономикăпа социаллă пурнăçне хутшăнассине вăйлатмалли çул-йĕре палăртĕç, Чăваш Енре Халăхсен ассамблейине тăвассипе çыхăннă ыйтусене пăхса тухĕç.

Массăллă информаци хатĕрĕсем вĕçĕмсĕр асăрхаттараççĕ пулин те çынсем пурпĕр улталанаççĕ — Шалти ĕçсен министерстви çакнашкал преступленисем пирки куллен пĕлтерет.

Хула кунĕнче çемье пултарулăхĕн «Аист чĕппи» фестивальне ирттересси ырă йăлана кĕчĕ — акă черетлĕ хут вăл çурла уйăхĕн 20-мĕшĕнче Шупашкарти Лакрей вăрманĕнче ваттине те, вĕттине те пухрĕ.

Республика аталанăвĕнче строительство отраслĕ пысăк вырăн йышăнать. Чăваш Ен Пуçлăхĕ Михаил Игнатьев Куславккапа Тăвай тăрăхĕсен экономика аталанăвĕпе тата социаллă пурнăçĕпе паллашнă май районсенчи строительство объекчĕсене çитсе курчĕ.

Сисмерĕмĕр те — тăватă çул кĕтнĕ спорт уявĕ вĕçленчĕ. Бразилире иртнĕ Олимп вăййисен пĕтĕмлетĕвĕпе ăмăртăвăн чи нумай наградине АПШ спортсменĕсем çĕнсе илчĕç. Вĕсен пухмачĕнче — 121 медаль. Аслă Британипе Китай командисем турнирăн иккĕмĕшпе виççĕмĕш картлашки çине хăпарчĕç.

Чемпионсен кубокĕ — Шупашкар хулин уявĕнчи чи кăсăклă мероприятисенчен пĕри. Саккăрмĕш хут иртнĕ ăмăртăва кăçал “Спартак” спорт керменĕ йышăнчĕ.