ӲТ МĔНШĔН ХĂВĂРТ ВАТĂЛАТЬ?
Çулсем иртнĕ май ӳт те ватăлсах пырать. Хăш-пĕр пулăм вара çакна тата ытларах хăвăртлатать. Мĕнрен асăрханмалла-ха?
Хлорлă шыв
Хлор ӳте типĕтет, çӳç тытăмне аркатать /вăл патракаланать, тĕссĕрленет/, куçăн лăймака сийне вĕчĕрхентерет. Чи япăххи - хлор ӳте çирĕплĕхпе, пиçĕлĕхпе тивĕçтерекен коллагена сиенлекен ирĕклĕ радикалсен молекулисене туса кăларни. Çавна май пĕркеленчĕксем пулса каяççĕ.