Архив - 10 Апр, 2015 - Хыпар

Тĕллев пулсан, ĕмĕт тулсан пурăнма аван

Икĕ Аслă Уяв - пĕр кунра

Андриянăмăрăн тĕнчи

Студентсем - сывă пурнăç йĕркишĕн

Пурнăç перекетлеме хистет

Чаплă оркестрăн пĕчĕк юбилейĕ

Çĕре юратма вĕрентесси - пурин тивĕçĕ те

Хресчен уй-хиршĕн тунсăхлать

Нихăçан манăçми 1961 çулхи апрель уйăхĕн 12-мĕш кунĕ пирĕн пурнăçа халăх ăс-хакăлĕн тата ăслăлăхăн чи пысăк ÿсĕмĕ евĕр яланлăхах кĕрсе юлчĕ.

Пирĕншĕн, чăвашсемшĕн /кун пек калани те тĕрĕсех мар - пур халăхшăн/ те, Андриян Николаев - чăн-чăн Çăлтăр. Вăл чăннипех те çак ята тивĕç, пĕтĕм тĕнчипех чăваш çине урăхла пăхтарма пуçлаттарнă А.Г.Николаев вĕçевĕсем.

Пĕтĕм тĕнчери сывлăх кунĕ кăçал «Апат-çимĕç хăрушсăрлăхĕ» тĕллевпе иртрĕ. Çав вăхăтрах уйрăм регион хăйĕншĕн пĕлтерĕшлĕ тематикăна суйласа илме пултарчĕ.

Тăван çĕршывăн Аслă вăрçи хыççăн нумай çул иртрĕ. Ун чухнехи ача-пăча халь самай çулланнă ĕнтĕ. Вĕсем вăрçă çулĕсене нихăçан та манас çук.

Чăваш патшалăх академи симфони капеллин симфони оркестрне йĕркеленĕренпе 15 çул çитрĕ. Тĕрĕссипе, ăна республикăра 1932-1959 çулсенче ĕçленĕ Чăваш патшалăх симфони оркестрĕн тăсăмĕ теме те пулать. Унăн Чăваш Енĕн культура пурнăçĕнчи пĕлтерĕшĕ питĕ пысăк.

Те республика Пуçлăхĕ çуккипе хăйсене çапла ирĕклĕрех туйрĕç - Министрсен Кабинечĕн ĕнерхи ларăвĕнче Правительство членĕсенчен пĕри хăйĕн ноутбукĕнче чакаланчĕ, тепри ним именмесĕрех кĕнеке вуларĕ - ĕçтешĕсен доклачĕсене хăлхана чикниех курăнмарĕ те... Тепĕр тесен ку Иван Моторин ертсе пынипе иртнĕ ларура республикăшăн пысăк пĕлтерĕшлĕ ыйтусене тишкерме чăрмантармарĕ.

Ялхуçалăх специалисчĕсене çĕр ĕçĕ пĕрлештерет. Пĕрле тăрăшсан çеç отрасль ÿсĕмлĕ аталанасса вĕсем лайăх пĕлеççĕ. Шел те, юлашки çулсенче чылай хуçалăхра агроном, зоотехник е ветеринар çук. Механизатор пирки вара калама та кирлĕ мар. Кирлĕ чухне ăна кăнтăр çутинче хунарпа та шыраса тупаймăн. Вун-вун çул каялла хисеплĕ çын шутланнă вăл. Çуркунне çитсен хакĕ татах ÿснĕ. Умĕнче темиçе дипломлă специалист та кăмăллăн пуç тайса: «Ырă çыннăм, тархасшăн, пахча сухаласа парсам. Укçа хĕрхенмĕп», - тенĕ.

Сергей Павлов вице-премьер ытларикун "Хыпар" издательство çурчĕн пресс-кĕрекинче журналистсен ыйтăвĕсене хуравларĕ.

"Ялхуçалăх культурисем кăçал 565 пин га /пĕлтĕрхинчен 5-6 пин ытларах/ йышăнĕç, - терĕ. - Çурри - тĕштырăпа пăрçа йышши культурăсем, 6,5% - çĕрулми. "Иккĕмĕш çăкăр" анине 3 пин га пысăклатма палăртрăмăр. Тĕллеве пурнăçлама техника хатĕрĕпе вăрлăх çитет. Кĕрхи культурăсем - 89,5 пин га. Вĕсен 90% - лайăх, 10% начар хĕл каçрĕ. Çапах та калча пахалăхне çак цифрăсемпе çирĕплетме тăхтăпăр. Ÿсентăран чĕрĕлсен хаклăпăр".

Аслă çул хĕрринчен Кăшаркасси ялне шăтăк-путăклă асфальт çул илсе çитерет. Çул хĕррипе пăрахăçа тухнă, юхăннă дача çурчĕсем тăра-тăра юлаççĕ. Ункă шывĕ Çавала юхса кĕрекен тĕлти айлăмра сарăлса выртать вăл. Кунти вырăнсем питĕ хитре.