Чăвашла верси
Русская версия
23 Апр, 2015
Архив - 23 Апр, 2015 - Хыпар
23 Апр, 2015
«Кил-çурт, хушмахуçалăхăн» çĕнĕ 16 № пичетрен тухрĕ.
1-мĕш страница шупашкарти тĕп пасарти хаксемпе паллаштарать, халăх сăнавĕн апрель уйăхĕнчи паллисене тĕрĕслесе пăхăр, чăна килет-и?
Ĕлĕкрех кантăра республикăра кашни колхозрах çитĕнтеретчĕç.
Кун мĕнпе паллă?
Пахчаçăсене хуçăлнă, аманнă улма- çырла йывăççисем нумай пулни пăшăрхантарать. Вĕсем тĕрлĕ чир-чĕре аталанма май параççĕ.
2-мĕш страницăра çуркуннехи пĕрремĕш курăксемпе паллаштарнă. Вĕлтрен яшки пит усăллă.
Вулакансем ыйтнипе рубрикăра чăхсене мĕнле сиплемеллине хуравланă.
100 çултан иртсен çăмăллăх пур-и?
Усăллă сĕнÿсемпе паллашни усăллă.
23 Апр, 2015
Сада тимлĕх кирлĕ
Темиçе çул ĕнтĕ улмуççисем шап-шурă çурăлаççĕ, анчах улми тытăнмасть. Çурăлнă хыççăн хурт çисе ярасран тата мĕнле имçампа сирпĕтмелле-ши?
Геннадий НИКОЛАЕВ.
Етĕрне районĕ.
Çак тата ытти ыйтусене хуравлама ученăй-агроном, дендролог, Раççейĕн сад ăстисен союзĕн Чăваш уйрăмĕн наука канашĕн членĕнчен Владимир Алексеевич Богатовран ыйтрăмăр.
Владимир Алексеевич калаçăва хăйне пăшăрхантаракан темăран пуçларĕ,
23 Апр, 2015
Кăнтăр
Çак сăмах хальхи вăхăтра наркотик синонимĕ пекех илтĕнет. Çапах та авалхи кĕнекесемпе юмахсене вулар-ха - Раççейре, Чăвашра та кашни пахчара тенĕ пекех кантăр ÿснĕ.
Кантăр - чи авалхи ÿсен-тăран. Çынсем ăна пирĕн эрăччен пин çул маларах акса ÿстерме пуçланă. Кантăр тĕрлĕ халăх çыннисене тăрантарнă та, тумлантарнă та.
Унăн тунинчен çирĕп йышши çип хатĕрлеççĕ, промышленноçра брезент, михĕ, вĕрен-пăяв туса кăлараççĕ. Сÿс те кантăртанах пулать. Унпа йывăç пÿрт стенисене ăшă каймалла мар питĕлеççĕ.
23 Апр, 2015
Чăх урине сиплемеллех
Чăхсен урисем кукшаланса кайрĕç. Чăх сутса çÿрекенсем "грибки" тесе каларĕç. Мĕнле ирттемелле-ши ку чире?
З.И.ПЕТРОВА.
Шупашкар районĕ.
Çыруран ку мĕнле чир иккенне тĕрĕс палăртаймăн. Ура кукшаланасси тĕрлĕ сăлтавпа çыхăнма пултарать. Кăмпа чирĕсĕр пуçне ура сăвăсĕ ерет чăхсене. Сăвăс чăх урисен çиелти ÿтне сиенлет. Урасем сийленсе-хупăланса тăраççĕ.
Çак тимреленнĕ тĕлсене хырса пăрахма юрамасть. Чир сывă чăхсене те ерме пултарать.
23 Апр, 2015
Вĕлтрен
«Вут мар - пĕçертет, йĕтĕн мар - çип арлаççĕ». Кам пĕлмест пулĕ унăн тупсăмне. Çурхи хĕвел çĕре ăшăтма пуçласассăнах вăл тĕксĕм симĕс çулçисене кăларса çÿлелле кармашать. Пирĕн тăрăхра /Вăрнар районĕ - авт./ вĕлтрен тухнă-тухманах унран яшка пĕçерме васкатчĕç. «Çуркунне вĕлтрен яшкине ыттисенчен маларах çиекене çулталăкĕпех çын сăмахĕ тивмест» тетчĕç ватăсем. Апла-и, капла-и, пĕлместĕп, анчах çурхи вĕлтрен усăллă, витаминлă пулнине пурте пĕлетпĕр. Ĕлĕк ахаль хресченĕн хĕллехи апачĕ тулăх пулманнипе чĕрĕ витамин çуркуннехи авитаминоз хыççăн сывлăха çирĕплетме самаях пулăшнă-тăр.
23 Апр, 2015
