Архив - 16 Апр, 2015 - Хыпар

«Эпĕ - çеçпĕл... Çепĕç çурхи чечек. Вăрантăм, куçа уçрăм. Ыталаççĕ мана хĕвел шевлисем. Кайăксем те чĕрĕлÿ юрри шăрантараççĕ, «Салам, çеçпĕл! Çуркунне... Çĕнĕ пурнăç... Çÿлелле...» Вăтанатăп пуçа çĕклеме, халăм çитеймесрен шикленетĕп. Анчах ăшă çутă вăй-хăватпа тĕрек парать. Ман тавралла юр çук ĕнтĕ. Пĕтрĕ, юхрĕ, сăрхăнчĕ, тымарăма шăварчĕ. Курăк та хĕл ыйхинчен вăранчĕ. Пĕтĕм тĕнче ешерет. Ах, епле телейлĕ-çке эпĕ! Пурăнатăп çак тĕлĕнмелле асамлă вăхăтра».

Унта çак эрнери Шупашкар пасарĕнчи хаксем. Эрнери паллă кунсемпе паллашатпăр пĕррмĕш страницăра.

«Ылтăн» улăм пĕрчи материалта шупашкарта пурăнакан алĕç ăстисемпе Вера Курочкинăпа тата Василий Павловпа паллашма пулать. Вĕсем улăмпа çыхас ĕçе чăвашра аталантарассипе тимлеççĕ.

Тăри ирпе-ирех тÿперен хастаррăн юрă шăратать, чуна тыткăнлать. Тăри çинчен пĕлетпĕр-и?

«Вулакансем ыйтнипе» рукбрикăра каюрасемпе мĕнле кĕрешмеллине вĕренетпĕр тата тĕн ыйтăвĕ те çынсене шухăшлаттарать.

«Хăва» статья пирĕн тăрăрхра лайăх ÿсекен йывăçăн усăлăхне аса илтерет.

Çăкăр тăварсăр пĕçерни сывлăхшăн лайăх.

Хула урамĕпе утаттăм. Ума кутамкка çакнă арçын тухрĕ. Кутамккинчен улăмран çыхса тунă илемлĕ лили чечекĕсем, каллăсем хĕвел шевлипе ылтăн тĕслĕн йăлтăртатаççĕ. Тепĕр 3-4 эрнерен тепре тĕл пултăм ăна. Хальхинче сăмах хушмасăр чăтаймарăм.

Пахчара каюрасем ĕрчесе кайрĕç. Çерем çинче те, çĕрулми ани çинче те. Вĕсенчен хăтăлмасан кăçал нимĕн те туса илеймĕпĕр. Канашпа пулăшаймăр-ши?

Римма КАЛИНИНА.

Етĕрне районĕ.

Хăва пирĕн тăрăхра лайăх çитĕнекен йывăç. Вăл шыв-шурлă вырăна уйрăмах юратать.

Хăва - сиплĕ йывăç. Çуркунне 6 çула çитнĕ хăва турачĕсен хуппине тата çамрăк вĕтĕ турачĕсене типĕтсе хатĕрлемелле. Типĕтме хатĕрленĕ хупă пит хулăн пулмалла мар. 1-4 мм хулăнăш пулсан аван. Туратран вистенĕ хупăна хĕвел çинче кушăхтармалла, унтан 40-60° температурăра типĕтмелле. Типĕтнĕ хупăна картун курупкăсенче 4 çул упрама юрать.

Хăва хуппинче салицин ятлă сиплĕ вещество пур. Шăпах çавна кура хаклă та вăл. Хăва хуппинчен XIX ĕмĕртех салицил кислоти кăларма пуçланă. Унран аспирин хатĕрленĕ.