Архив - 16 Апр, 2015 - Çамрăксен хаçачĕ

Чăваш Республикипе Беларуç хушшинчи тавар çаврăнăшĕ икĕ хут ÿсĕ. 2 стр.

Преступлени пулни çинчен пĕлтернисене укçан хавхалантарма тытăннă. 3 стр.

22 çулти каччă 43-ри арçын çинче ун чунĕ тухичченех ташланă, сикнĕ. 4 стр.

Ачасăр мăшăрсен 40 про-ценчĕн арçын айăпне пула çемьере йыш хушăнмасть. 5 стр.

Оперăпа балет театрĕ кĕнеке илсе пынисене "Сарпике" спектакле тÿлевсĕрех кăтартĕ. 6 стр.

Окоп чавнă чухне ăшăнас тесе хăшĕ-пĕри кăвар çинче тăпăртатнă. 8 стр.

"Сапер кĕреçине те, гитарăна та кăçалчченех килте упрарăм..." 9 стр.

16 çул...

Апрелĕн 8-10-мĕшĕсенче ЧР Пуçлăхĕ Михаил Игнатьев Беларуç Республикинче пулнă. Михаил Васильевич Беларуç Президенчĕпе Александр Лукашенкăпа, Андрей Кобяков премьер-министрпа, Раççей Федерацийĕн Беларуçри полномочиллĕ посолĕпе Александр Суриковпа курнăçнă.

Апрелĕн 8-10-мĕшĕсенче Чăваш патшалăх çамрăксен театрĕ тата Мари Республикинчи ачасемпе çамрăксен театр-центрĕ хире-хирĕçле гастрольсем йĕркелерĕç. Çармăссем пирĕн пата виçĕ юмах илсе килчĕç: "Принцесса и Чудовище" /Е.Тыщук/, "Чудесное превращение Бабы-Яги" /А.Чубарова, И.Егорова/, "Про Федота-стрельца, удалого молодца" /Л.Филатова/.

"Çамрăксен хаçачĕ" кăçал 90 çул тултарнине эсир пĕлетĕр ĕнтĕ. Çавна май кăларăм ĕçченĕсем тĕрлĕ йышпа тĕл пулаççĕ. Апрелĕн 13-мĕшĕнче вĕсене Республикăри ачасемпе çамрăксен библиотеки Шупашкарти транспортпа строительство технологийĕсен техникумĕн студенчĕсемпе тата вĕсен преподавателĕсемпе курнăçма йыхравларĕ.

"Хыпар" Издательство çурчĕн ĕçченĕсем черетлĕ тĕлпулăва Комсомольски салинче ирттерме шухăшларĕç. Уяв районти культурăпа кану центрĕнче апрель уйăхĕн 9-мĕшĕнче пулчĕ. Калем ăстисемпе курнăçма библиотекарьсем, ял тăрăхĕсен пуçлăхĕсем, шкул ачисемпе вĕрентекенсем пухăнчĕç.

Хальхи вăхăтра мода пурнăçра пĕлтерĕшлĕ вырăн йышăннине асăрхатăн. Сăмахран, хĕрарăмсем ташă каçĕсене, хăнана çеç мар, лавккана та сăн-пите илем кĕртмесĕр, капăр çи-пуç тăхăнмасăр çÿремеççĕ. Çутçанталăкăн вăйлă çурри те модăпа килĕшÿллĕн тăхăнать. Ăсчахсем палăртнă тăрăх, мода чул ĕмĕрĕнчех вăй илме пуçланă.

Чыса кăна мар, сывлăха та çамрăкран упрамалла. Пурнăç мĕнле çулпа чупасси унран нумай килет-çке. Паян эпир хĕр-хĕрарăм сывлăхĕ çинчен калаçăпăр. Çамрăк чухнехи йăнăшшăн ача çуратайман тĕслĕх сахал-и? Çутçанталăк та хĕрарăма амăшĕ пулмах пилленĕ вĕт.

Канаш районĕнчи Çĕнĕ Чăлкассинче çуралса ÿснĕ Петр Васильев вăрçă тухнă çул 12 тултарнă. 86-ри ĕç ветеранĕ халĕ Шупашкарта пурăнать, шалкăм çапнă хыççăн ăна хĕрĕ Лена пăхать. Петр Васильевич хăйĕн ачалăхĕ, вăрçа хутшăннă ашшĕ çинчен аса илсе каласа пачĕ. Ашшĕне Василий Дмитриева 1941 çулта вăрçа илсе кайсан амăшĕ 3 ачипе тăрса юлнă, Петĕр асли пулнă.

Вăрçа хăй ирĕкĕпе кайма тухнă хĕр Сĕнтĕрвăрринчен Канаша çуран утса çитнĕ. Чăвашран 500 хĕре пĕрремĕш батальона илессине пĕлсен 19 çулти Валентина çак ушкăна лекмешкĕн çывăрса юласран автан пĕрремĕш хут авăтсанах ура çине тăнă.