Паян, ноябрĕн 2-мĕшĕнче, Шупашкарта ял хуçалăхĕпе промышленноçра ĕçлекенсене чысларĕç.
Çĕр ĕçченĕсене, тирпейлекен промышленноçра вăй хуракансене, хăнасене «Шупашкар-Арена» пăр керменĕ илемлĕ юрă-кĕвĕпе кĕтсе илчĕ. Уява килнисем республикăра чĕр тавар тирпейлекен предприятисен продукцийĕпе те паллашрĕç.
Новосибирск облаçĕнчи Çĕрçĕр районĕнчи Чăваш ятлă ялти йăхташăмăрсем Чÿклеме ирттернĕ. Ку уява грант укçипе пĕрремĕш хут йĕркеленĕ вĕсем.
Паян "Хыпар" издательство çуртĕнче Пĕтĕм тĕнчери ваттисен кунĕ ячĕпе савăнăçлă пуху иртрĕ. Хаçат ĕçĕнче тĕрлĕ çулта тăрăшнисене издательство çурчĕн директорĕ - тĕп редакторĕ Татьяна Вашуркина ăшшăн саламларĕ. Ку уяв пирки Татьяна Геннадиевна çамрăк чунлă çынсен кунĕ тесе кăмăлтан палăртрĕ. Чăн та, çыннăн вăр-варлăхĕпе правурлăхĕ унăн çулĕнчен килмест-çке.
Паян Комсомольски районĕн культурăн тĕп çуртĕнче ку тăрăхри Шурут Нурăс ялĕнче çуралнă отставкăри вице-адмирал Владислав Алексеевич Ильин 70 çул тултарнине паллă турĕç.
Вăл çурла уйăхĕн 22-мĕшĕнче çуралнă. 1971 çулта Лăпкă океанăн аслă çар-тинĕс училищине вĕренсе пĕтернĕ. Шыв айĕпе ишекен крейсер, çак карапĕсен дивизийĕн командирĕ, РФ Тинĕс-çар флочĕн Тĕп штабĕн пуçлăхĕн пĕрремĕш заместителĕ пулнă.
"Дорэкс" - республикăри çул-йĕре тытса тăрас енĕпе ĕçлекен чи пысăк предприятисенчен пĕри. Кăçал организаци йĕркеленнĕренпе 50 çул çитрĕ. Паян "Дорэкс" ĕçченĕсем уява пухăнчĕç.
Чăвашла верси
Русская версия
