Çĕнĕ Çулхи тĕп мероприятисем кăçал Хĕрлĕ тÿремре иртĕç. Кунта республикăри чи пысăк каток уçăлĕ. Хула çыннисемшĕн меллĕ пултăр тесе кунтах япаласем упрамалли камерăсем, кофе, чей тата пылак апат-çимĕç автомачĕсем вырнаçтарĕç.
Интернетра Çĕнĕ çул уявĕпе çыхăннă мероприятисен «ЧебМороз» информаци порталĕ /новогодний портал "Чебмороз"/ ĕçлеме пуçланă.
Паян Чăваш патшалăх оперăпа балет театрĕнче Раççей Федерацийĕн шалти ĕçсен органĕсен сотрудникĕсемпе ветеранĕсем Полици кунне паллă турĕç.
Вĕсене професси кунĕ ячĕпе Чăваш Республикин Министрсен Кабинечĕн Председателĕ Иван Моторин, Раççей Федерацийĕн Патшалăх Думин депутачĕсем Леонид Черкесов тата Николай Малов, Чăваш Республикин Патшалăх Канашĕн Председателĕн тивĕçĕсене пурнăçлакан Альбина Егорова саламларĕç.
Паян, ноябрĕн 7-мĕшĕнче, Шăмăршă районĕнче ял хуçалăх тата тирпейлекен промышленность ĕçченĕсен кунне уявларĕç.
Чăвашла верси
Русская версия
