Шупашкар районĕнчи Тутаркассинчи садикре сивĕ — ачасем шăнаççĕ. Унта блок-модуль котельнăйне хута яма палăртнă, анчах ĕçе вĕçне çитермен-ха. Çакăн пирки ЧР Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлура сăмах хускалчĕ.
Елчĕк районĕнче шăматкун каçхине хăрушă авари пулнă. Виçĕ çамрăк пурнăçĕ татăлнă. Çавна май ЧР Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлу çулсем çинчи хăрушсăрлăха тивĕçтерессин ыйтăвĕнчен пуçланни пĕртте кĕтменлĕх пулмарĕ.
Паян Чăваш наци музейĕнче ЧР Информполитика министерстви коррупципе кĕрешес сферăра информаци ĕç-хĕлне йĕркелес ыйтусемпе семинар-канашлу ирттерчĕ.
Правительство çуртĕнче 2020 çулта Чăваш автономийĕн 100 çулхи юбилейне уявлас енĕпе ĕçлекен ушкăнăн тата Республика кунне паллă тăвассипе ĕçлекен йĕркелÿ комитечĕн пĕрлехи ларăвĕ иртрĕ.
Кăçалхи кăрлач-юпа уйăхĕсенче республикăн промышленноç производствин индексĕ 104,8% танлашнă. Ял хуçалăх кăтартăвĕ - 102%. Çак тата ытти цифрăна ЧР Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе тунтикунсерен ирттеркен планеркăра экономика аталанăвĕн министрĕ Павел Иванов пĕлтерчĕ.
Чăвашла верси
Русская версия
