Юлашки çулсенче хута кайнă пуçаруллă бюджет программи нумай ял-салана хăтлăлатма май пачĕ. Клуб çĕклемелле-и, ача-пăча лапамĕ уçмалла-и… — çынсем хăйсен кĕсйинчен укçа-тенкĕ пухса ĕçе пуçăнма хирĕç мар. Паллах, ытларах пайне патшалăх уйăрать.
Нарăсăн 1-мĕшĕнче Шупашкарти Президент перинаталь центрĕнче 8 сехетрен пуçласа 13 сехетчен республикăра пурăнакансем валли Уçă алăксен кунĕ иртет.
Малтанах çырăнса хума регистратурăн çак телефонĕсемпе çыхăнмалла: 8/8352/58-20-73, 58-25-68. Акушер патне черете çырăнма 58-25-68 номерпе çыхăнмалла. Ача-пăча гинекологĕ патне ыйту пулсан 63-20-34 номерпе шăнкăравламалла. Электрон регистратура та яланах уçă.
Ирина ИВАНОВА.
Пысăк хăвăртлăхлă çĕнĕ çул Чăваш Енри 6 район витĕр иртĕ. Ку вăл Мускав-Чулхула-Хусан трасса. Унăн вăрăмăшĕ пирĕн республикăра 94 километр пулĕ. Çакна Чăван Ен Транспорт министерстви пĕлтернĕ. Ку çул пĕтĕм тĕнчери транспорт кăритурне кĕмелле /Çурçĕр Европăран пуçласа Хĕвел Анăç Китай таран/, Европăн тата Азин экономикăпа культура çыхăнăвĕсене çирĕплетмелле.
Полици ĕçченĕсем пĕр талăкра 2 чăваш хĕрарăмне 469 пин тенкĕлĕх шар кăтартнă ултавçăсене тупса палăртасшăн тăрăшаççĕ. Шел те, этемлĕхĕн черчен çуррийĕ асăрханулăха çухатнă: палламан çынсене банк карттин реквизичĕсене тата вăрттăн паролĕсене пĕлтернĕ.
Паян республикăри катастрофа медицинин тата васкавлă медпулăшу центрĕн специалисчĕсем коронавирус ернĕ пациента пулăшу парас тĕлĕшпе вĕренÿ ирттерчĕç.
Чăвашла верси
Русская версия
