Вячеслав Марков Элĕк районĕнчи ял администрацине ертсе пыма пуçланăранпа çур çул кăна иртнĕ. Çак тапхăрта Элĕк районĕнчи Шĕмшеш хутлăхĕнчи халăх ырă улшăнусен варкăшне туйса илчĕ темелле: центрти культура çурчĕн çи виттине çĕнетрĕç, Шавранчăкпа Прашкушкăнь урамĕсене хытарнă çулпа çыхăнтарма пуçларĕç...
Элĕк районĕнчи Чăваш Сурăмĕнчи тавра пĕлÿ музейне сайра тĕл пулакан экспоната — Тăван çĕршывăн Аслă вăрçи вăхăтĕнчи нимĕç карттине — парнеленĕ.
Ăна Чăваш Сурăмĕнче пурăнакан Геннадий Ильин илсе пынă. Унăн хуняшшĕ — Василий Иванович Ефимов — Мăн Шĕвеш ялĕнче çуралнă. Карттăна вăрçăран шăпах вăл илсе килнĕ.
Паян Чăваш Ен Пуçлăхĕ Михаил Игнатьев ĕçлĕ çул çÿревре Элĕк тата Йĕпреç районĕсенче пулчĕ. Муниципалитет йĕркеленĕвĕнче лайăххипе пĕрлех çитменлĕх те чылай.
Демографи лару-тăрăвĕпе паллашнă май республика Пуçлăхне элĕксен кăтартăвĕ шухăша ячĕ. Элĕк районĕнче виçĕм çул 227 çын çуралнă, пĕлтĕр – 185 пепке çеç. Çав вăхăтрах 300 ытла çын вилнĕ. «Тепĕр 30 çултан сирĕн районта пурăнакан пулать-ши вара?» – пăшăрханса каларĕ Михаил Игнатьев.
Çак кунсенче Элĕк районĕнчи Вутлан шкулĕнчи 2-мĕш тата 3-мĕш класра вĕренекенсем Лидия Сарине çырнă «Наян мулкач» пьеса тăрăх шкул çумĕнчи «Колобок» ача садне çÿрекенсене спектакль лартса пачĕç. Алина Андреевăпа Ольга Владимирова вĕрентекенсем ачасене сцена çинче мĕнлерех пулмаллине, рольсене мĕнле вылямаллине тĕплĕн ăнлантарнă. Ачасем хăйсене чăн-чăн артистсем пекех тытрĕç. Тĕп сăнара — Мулкача — Таисия Сорокина ăста калăпларĕ.
Чăвашла верси
Русская версия
