«Авалхи йăхсен еткерĕ». Шăпах çакăн пек ят панă паян Наци музейĕн филиалĕнче — Чăваш тĕррин музейĕнче — уçăлнă курава. Ăна Наци музейĕн 100 çулхи юбилейне халалланă.
Пурăннă пулсан кăçалхи кăрлач уйăхĕнче Чăваш Республикин халăх художникĕ Виктор Немцев çуралнăранпа 85 çул çитетчĕ. Хисеплĕ çынна асра тытса Чăваш патшалăх ÿнер музейĕнче курав уçăлнă. Вăл нарăс уйăхĕн 21-мĕшĕччен ĕçлĕ.
Паян Шупашкарти Литература музейĕ 80 çул тултарчĕ. Çавна май унта хăйне евĕрлĕ акци – Парнелÿ кунĕ – иртрĕ.
Юпа уйăхĕн 18-мĕшĕнче Шупашкарти К.В. Иванов ячĕллĕ Литература музейĕ 80 çул тултарать. Çавна май вăл Парнесен кунне ирттерме палăртнă.
Музей директорĕ Ирина Оленкина пĕлтернĕ тăрăх, учреждени çыравçăсемпе çыхăннă кирек епле экспоната та хапăл. Писательсемпе поэтсем, вĕсен тăванĕсем çыравçăсен пултарулăхĕпе çыхăннă хатĕр-хĕтĕре, тĕрлĕ япалана парнелеме пултараççĕ. Хаклă экспонатсемпе пĕр-пĕр пысăк экспозици йĕркеленĕ чухне хаваспах усă курĕç.
Паян, çу уйăхĕн 18-мĕшĕнче, Пĕтĕм тĕнчери музейсен кунне палăртрĕç. Ăна халалласа «Музейсен каçĕ» акци ирттересси йăлана кĕнĕ. Кăçал ăна онлайн-мелпе ирттернĕ.
Чăвашла верси
Русская версия
