Республикăн шкул тулашĕнчи ĕçсен "Эткер" вĕренÿ центрне Чăваш Енре лайăх пĕлеççĕ. Мĕнпе чапа тухнă-ха вăл? Çитĕнĕве камсем туптаççĕ? Çак тата ытти пирки центр директорĕ Наталия Панченко каласа кăтартать.
"Ачасене çĕнтерме пулăшар" статьяна хаçатăн эрне кунхи, майăн 30-мĕшĕнчи, номерте вулăр.
Чăваш ялĕнчи кашни килте йывăçран ăсталаса тимĕрпе эрешленĕ арча упранать. Унта тем тĕрлĕ тупра та - тенкĕсемпе илемлетнĕ тухья, хушпу, масмак, тевет, çуха, енчĕк-алка, шÿлкеме - пур. Кун пирки тĕплĕнрех "Асанне арчи" - пуласлăх сăпки" статьяна вуласа пĕлĕр.
Чăваш халăх писателĕ Александр Артемьев повеç-калав çырса çеç мар мухтава тухнă. Пĕлес текенсене "Ырă йăла-йĕркепе пуян повеç" статьяна вулама сĕнетпĕр.
Юлашки тапхăртисенчен пысăк пайĕ, тĕпрен илсен, халăхсен хушшинчи VII Шупашкарти кинофестивальпе çыхăннăччĕ. Тĕп хулари пур кинотеатрта тенĕ пекех иртрĕç унпа çыхăннă ĕçсем. Мероприятисене пин-пин çын çитсе курчĕ. Шупашкарсем çеç мар, Патăрьелсемпе Хĕрлĕ Чутайсем те паллашрĕç кинофестиваль хăнисемпе.
Тăван çĕр-шывшăн Аслă вăрçинче пуç хунă паллă журналист тата çыравçă Федот Александрович Çитта çуралнăранпа 100 çул çитнине паллă тума Патăрьел районĕнчи Йăлăма халăх нумай пуçтарăннă. Унăн пултарулăхне тишкернисĕр-аса илнисĕр пуçне пархатарлă тепĕр пулăм та пуçтарăннисен асĕнче юлĕ.
«Самант» тусĕсем кĕçех алла журналăн çĕнĕ номерне илĕç. Черетлĕ кăларăм тухнишĕн вĕсем чунран хĕпĕртессе шанатпăр. Ахальтен мар: «Пичетленнĕ кашни сăвă-калавшăн савăнатăп!» - тет журнал тĕпелĕн çамрăк хăни Элина Иванова.
Министрсен Кабинечĕн ĕнерхи ларăвĕнче 2015-2019 çулсенче республика электроэнергетикине аталантармалли схемăпа программăна ырланă. Чăваш Енĕн патшалăх пурлăхне приватизацилемелли планне пăхса тухнă. ЧР Чĕр чунсен тĕнчин объекчĕсене сыхлакан патшалăх службин ертÿçи Владимир Кузюков хăй ертсе пыракан тытăм ĕçĕ-хĕлĕ çинчен отчет тунă.
Тĕплĕнрех - ыранхи номерте.
Çак кунсенче Чăваш Ене савăнăçлă тепĕр хыпар çитрĕ: регболистсен команди çĕр-шыв кубокĕнче çĕнтернĕ. Турнир Киров облаçĕнчи Вятка патшалăх гуманитари университечĕн спорт комплексĕнче иртнĕ.
Ĕнер пограничниксем хăйсен уявне анлăн паллă тунă. Шăмăршăсем çав кун чикĕ сыхлавçисене халласа лартнă палăка уçнă. Ăна салари кану паркĕнче вырнаçтарнă.
Палăка спонсорсен тата пограничниксен çарĕнче пулнисен укçи-тенкипе çĕкленĕ. Ырă çак ĕçĕн пуçаруçи тата йĕркелÿçи - Шăмăршă районĕнчи "Пограничное братство" общество организацийĕн председателĕ Е.Сетриванов. Палăка савăнăçлă лару-тăрура уçма Мускавпа Шупашкар хулисенчен килнĕ пысăк хăнасем те хутшăннă. Кану паркĕнчи çак вырăна шкул ачисемпе çамрăксем питĕ килĕштереççĕ.
Чăваш Республикинчи ача çурчĕсемпе интернат шкулсенчен çуллен 50-100 тăлăх е ашшĕ-амăшĕн хÿтлĕхĕсĕр юлнă ача вĕренсе тухать. Вĕсенчен чылайăшĕ малашнехи çулне професси пĕлĕвĕ паракан организаципе е аслă шкулпа çыхăнтарать. 2012-2013 вĕренÿ çулĕнче, тĕслĕхрен, 12 интернатран 58 çавнашкал çамрăк тухнă.
Чăвашла верси
Русская версия
