Тунтикунхи канашлура Çул-йĕр фончĕн укçипе усă курнине тишкерчĕç. Республика Пуçлăхĕ ку сферăра ĕçе вăйлатассине Чăвашупрдорпа çыхăнтарать. Олег Николаев çулсем çинчи ĕçсене, укçапа усă курассине шăпах çак учреждени çирĕп тĕрĕслесе тăмалли çинчен каларĕ. Вăл çак полномочипе тухăçлă усă курни ĕçсен пахалăхне те, укçапа типейлĕ усă курассине те тивĕçтерме пулăшĕ.
Республикăн 2023 çулхи социаллă пурнăçпа экономика аталанăвĕн малтанхи пĕтĕмлетĕвĕсемпе тунтикунхи канашлура экономика аталанăвĕн министрĕн тивĕçĕсене пурнăçлакан Дмитрий Бельцов паллаштарчĕ. Промышленноç производствин индексĕ 126,9% танлашнă. Тирпейлекен производствăсен кăтартăвĕ тата пысăкрах — 132% яхăн. Ял хуçалăхĕ те иртнĕ çула ӳсĕмлĕ вĕçленĕ. Сĕт суса илесси, аш-какай туса илесси хушăннă. Çăмарта тĕлĕшпе ыйтусем пур — ку продукци производстви чакнă.
2023 çулта республикăри бюджет ĕçченĕсен шалăвĕ 16% хушăннă. Халĕ вара кăмăллă тепĕр хыпар: кăçалхи кăрлачăн 1-мĕшĕнчен вĕсен ĕç укçи тата 8,5% пысăкланать — кун валли бюджетра кирлĕ чухлĕ укçа пăхса хăварнă. Çакăн çинчен ЧР Пуçлăхĕ Олег Николаев ĕç тăвакан влаç органĕсен тата муниципалитетсен ертӳçисемпе тунтикун ирттернĕ канашлура пĕрремĕш вице-премьер — финанс министрĕ Михаил Ноздряков пĕлтерчĕ.
Ҫак кунсенче М7 ҫулпа пынӑ икӗ тиев машини Ҫӗрпӳ тӑрӑхӗнче техника ҫӗмӗрӗлнине пула чарӑннӑ. Машинӑсен Тверь облаҫӗнчен Кемерово тӑрӑхне 68 пуҫ ӑратлӑ ӗне илсе ҫитермелле пулнӑ. Ванса кайнӑ машина водителӗсене Руслан Курчаткин предприниматель пулӑшнӑ. Ҫамрӑк усламҫӑ хӑйӗн кафе ҫуртӗнчен ӗнесене шӑвармалӑх шыв тултарма та хушу панӑ, техникӑна та йӗркене кӗртме пулӑшнӑ.
Ӗнесем каллех инҫе ҫула "тухнӑ".
Шупашкарта Общество ырлавĕн штабĕ ĕçлеме пуçларĕ. Ăна официаллă майпа уçма Чăваш Ен Пуçлăхĕ Олег Николаев, «Пĕрлĕхлĕ Раççей» партин ĕç тăвакан тĕп комитечĕн ертӳçи Александр Сидякин, паллă шахматист, Владимир Путинăн шаннă çынни Сергей Карякин, ыттисем хутшăнчĕç.
Гриппа, ОРВИ чирĕсемпе, çĕнĕ коронавирус инфекцийĕпе чирлекен нумай та — çак тема ЧР Пуçлăхĕ Олег Николаев ĕç тăвакан влаç органĕсен тата муниципалитетсен ертÿçисемпе тунтикун ирттернĕ канашлăвăн кун йĕркинчи ыйтусенчен пĕри пулчĕ.
Хĕрлĕ Чутай округĕнче пурăнакан Галина Зотова çак кунсенче бандероль илнĕ. Унта 7 кĕнеке, Хисеп хучĕ тата хайлавне пичетлени çинчен свидетельство чикнĕ.
«Парăмсем тата туса пĕтермен ĕçсем ан юлччăр» — çулталăка çапла вĕçлеме сунса пуçларĕ тунтикунхи планеркăна ЧР Пуçлăхĕ Олег Николаев. Ĕç тăвакан влаç органĕсен тата муниципалитетсен ертӳçисемпе ирттернĕ канашлура вăл пĕтĕмĕшле илсен ку енĕпе ĕçсем япăх маррине çирĕплетрĕ, çапах çулталăкăн юлнă юлашки кунĕсемпе федераци тытăмĕсемпе тумалли килĕшӳсене алă пусассине вĕçлемешкĕн туллин усă урмалли çинчен асăрхаттарчĕ.
Патшалăх Канашĕн черетлĕ XXIII сессийĕнче ГКЧС председателĕн тивĕçĕсене пурнăçлакан Александр Степанов трибуна умне ирĕклĕ пушар хуралĕ çинчен калакан саккуна улшăнусем кĕртмелли проектпа тухрĕ.
Патшалăх Канашĕн черетлĕ XXIII сессийĕн кун йĕркинчи пĕрремĕш ыйтăва шăпах вĕсем сăлтавланă: пĕрремĕш вице-премьер — финанс министрĕ Михаил Ноздряков налук йĕркелĕвĕ çинчен калкан саккуна кĕртме сĕнекен улшăнусемпе паллаштарчĕ.
Чăвашла верси
Русская версия
